ДҮЙНӨ
2 мүнөт окуу
Индонезияда мектептин урашынан кеминде бир адам каза тапты, жапа чеккендерге кычкылтек берилүүдө
Индонезияда мектеп урап, бир адам каза болуп, ондогон адамдар жарадар болуп, көптөгөн адамдар урандылардын астында калды. Тез жардам бригадалары урандыларды аралап, камалып калган окуучуларды куткарууга аракет кылууда.
Индонезияда мектептин урашынан кеминде бир адам каза тапты, жапа чеккендерге кычкылтек берилүүдө
Индонезиянын куткаруучулары түнү бою казып жатканда ондогон адамдар көмүлгөн бойдон калууда. / AP

Индонезияда кулаган мектеп имаратынын туруксуз урандыларынын астында калган окуучуларга кычкылтек жана суу жеткирген куткаруу топтору шейшемби күнү эртең менен аман калгандарды куткаруу иштерин улантышты. Конструкциянын кулаганына 12 сааттан ашык убакыт өттү.

 Кеминде бир студент каза болуп, ондогону жарадар болду. Болжол менен урандылардын астында 65 адам калды.

 Куткаруу топтору, полиция жана аскерлер Чыгыш Яванын Сидоаржо шаарындагы Аль-Хозини ислам мектеп-интернатынын кулашынан кийин түнү бою казып, алсыраган жана жарадар болгон сегиз кишини куткарышты. Кыйроодон сегиз сааттан кийин куткарылган бул адамдар аман калышты.

 Куткаруу топтору урандылардын астында дагы көп өлүктөр калганын кабарлап, каза болгондордун саны дагы көбөйүшү мүмкүн экенин айтышууда.

 Окуучулардын үй-бүлөлөрү ооруканаларда же кулаган имараттын жанында чогулуп, балдарынан кабар күтүп турушту. Куткаруучулар чаңга батып, жабыркаган окуучуну урандылардын арасынан алып чыгып жатканын көргөн жакындары ыйлап жиберишти.

 Мектеп-интернат комплексинде түзүлгөн командалык борбор шейшемби күнү эртең менен 65 адам дайынсыз жоголгондугун билдирди. Маалыматка ылайык, окуучулардын көбү жетинчиден он биринчи класска чейинки 12 жаштан 17 жашка чейинки балдар.

 Издөө-куткаруу кызматкери Нананг Сигит оор бетон плиталары, башка сыныктар жана имараттын туруксуз бөлүктөрүнүн издөө-куткаруу иштерин татаалдаштырып жатканын айтты. Ал оор техникалар колдонулбай жатканын, андан ары урап калуу коркунучу менен түшүндүрдү.

 "Биз урандылардын астында калгандарды кычкылтек жана суу менен камсыз кылып, аларды тирүү калтырууга аракет кылып жатабыз" деди Сигит. Ал кошумчалагандай, куткаруучулар урандылардын астында чачылып жаткан бир нече адамдын сөөгүн көрүшкөн, бирок алар аман калгандарды куткарууга өзгөчө көңүл бөлүшкөн.

Окуучулао намаз окуп жатканда имарат кулап түшкөн

 Бир нече жүз куткаруучу вентиляторлор, куткаруу жабдуулары, медициналык эвакуациялоочу унаалар жана башка колдоо унаалары менен куткаруу аракетине кошулду.

Провинциянын полициясынын басма сөз катчысы Жюль Абрахам Абаст имарат капыстан алардын үстүнө кулап түшкөндө окуучулар намаз окуп жатышканын жана имарат уруксатсыз кеңейтилип жатканын билдирди.

Башынан жаракат алып, сөөктөрү сынган окуучуларга конуш тургундары, мугалимдер жана жетекчилер жардам беришти. Тирүү калгандардын айтымында, окуучу кыздар имараттын башка бөлүгүндө намаз окуп жатышкандыктан качып чыгууга үлгүрүшкөн.

Жооптуу кызматкерлер бир эркек окуучу каза болгонун, 99 окуучу жаракат алып ооруканаларга жеткирилгенин, айрымдарынын абалы оор экенин жарыялады.

Тийиштүү органдар имараттын урашынын себебин иликтеп жатат. Абастын айтымында, эски намазкана эки кабаттуу, бирок уруксатсыз дагы экөөнү кошуу аракети көрүлгөн.

«Эски имараттын пайдубалы эки катмар бетондун салмагын көтөрө албай, куюу учурунда кулап түшкөн», - дейт Абас.

Иликте
Малатияда S-70 үлгүсүндөгү тик учак кырсыкка учурап, төрт аскер шейит болду
Кызыл Чырым: "Газадагы жер которгон үй-бүлөлөр катуу суукка туш болууда"
Түркиянын А улуттук баскетбол командасы Черногорияны 79-62 эсебинде жеңди
Ок атышпоого карабастан Израилдин Газага жасаган чабуулдарынан акыркы 24 саатта 8 адам каза болду
Президент Эрдоган БУУнун Башкы катчысы Гутеррешти кабыл алды
БУУнун Башкы катчысы Гутерриш Түркиянын COP 31ди уюштурганын мактады
Түркия жашыл жана санариптик өтүүнү тездетүү үчүн Жашыл келишим боюнча иш-аракеттер планын жаңылады
Түркия менен Өзбекстан айлана-чөйрөнү коргоо боюнча өз ара түшүнүшүү меморандумуна кол коюшту
ASELSAN бардык энергетикалык муктаждыктарын күн энергиясынан канааттандырат
Эл аралык катышуучулар COP31де Ататүрктү бир мүнөттүк унчукпай туруу менен эскеришти
Президент Эрдоган Apple компаниясынын башкы директору Тим Кукту кабыл алды
Вице-президент Йылмаз Кытайдын вице-президенти Хан Чжэн менен жолугушту
Криттин жээгинде 12 мыйзамсыз мигрант каза болду
Франция Абу-Дабидеги Орусия-Украина сүйлөшүүлөрүнө Европанын да катышарын билдирди
Түркия-Ирак биргелешкен басма сөз билдирүүсү жарыяланды