АКШда жайгашкан адам укуктары боюнча уюм бейшемби күнү Ирандагы нааразычылык акцияларынан каза болгондордун саны 2677ге жеткенин жарыялады.
HRANAнын маалыматы боюнча, экономикалык шарттарга нааразычылыктан улам уланып жаткан митингдерде 19 097 адам кармалды.
Иран бийликтери нааразычылык акцияларында каза болгондордун же жаракат алгандардын жалпы саны боюнча азырынча расмий билдирүү жасай элек.
Нааразычылык акциялары 28-декабрда борбор шаар Тегеранда соодагерлер, ишкерлер жана чакан бизнес ээлери инфляциянын өсүшүнө, риалдын наркынын түшүп кетишине жана экономикалык шарттардын начарлашына нааразычылык билдирип, иш таштап, митингдерди уюштуруусу менен башталды.
Нааразылык акциялары көптөгөн шаарларга жайылып, жумушчулардын, студенттердин жана коомдун башка катмарларынын катышуусу менен өкмөткө каршы мүнөзгө ээ болду.
