Бир тарапта Украина-Росия ортосундагы окуялар, бир тараптан да Иран-Израиль-АКШ үчтүгү менен башталып, бүткүл Перс булуңуна жайылышы мүмкүн болгон согуш… Дүйнө, жарым кылымдан ашык убакыттан бери биринчи жолу ушунчалык интенсивдүү, көпкө созулган жана кеңири аймакты камтыган кризисти өткөрүүдө.
Албетте, бул кырдаал Экинчи Дүйнөлүк согуштан кийин түзүлгөн жаңы тартиптин эч качан өзгөрбөй турганына ишенген өлкөлөр үчүн өзгөчө оор болуп жатат. Эгерде эмне кылуу керектигин билбегендердин тизмеси түзүлсө, Европа өлкөлөрү тизмеде биринчи орунда тураары эч кимге жашыруун эмес. Континенттин ар кайсы борборлорунда байкалган белгилер дээрлик эч кимдин чыныгы согушка даяр эместигин көрсөтүүдө.
Түгөнүп бараткан ракета запастарынын ордун толтуруу оңой эмес
Жалпы көрүнүштү туура түшүнгөн өлкөлөр дүйнөнүн мурдагыдай эместигин жана бул согуш чөйрөсү жакын арада бүтпөй турганын билишет. Бул көп миллиард долларлык келишимдердин, жаңы түзүлгөн альянстардын жана биргелешип аракет кылуу ниеттеринин негизи.
Согуш менен бирге айкын болгон маселелердин бири — куралдуу күчтөрдүн арсеналындагы ок-дарылардын тез түгөнүшү жана алардын ордун толтуруу болжолдонгондон да кыйын экени.
АКШ сыяктуу өндүрүш гигантынын же курал запасы чексиз деген түшүнүк менен дүйнөгө кыр көрсөткөн Россиянын бүгүнкү күндө жеткен жери көңүлдөрдү бурууда. Эки күчтүн тең инвентарларындагы ракета, ок - дары жана өнүккөн системалардын орчундуу деңгээлге жеткени жашыруун эмес.
Көптөн бери "чоң согушка" даярданып келе жаткан Иран өзүнүн алдыңкы ракеталарын канчалык тездик менен түгөтүп жатканы жана дүйнөнүн ар тарабынан жардам алып жаткан Украина дагы кандай оор процесстерден өтүп жатканы айдан ачык.
Учурда дүйнө жүзү боюнча ракета запасы боюнча маселе жаралууда жана бул маселенин барган сайын күчөй берери айтылууда.
Түркия ракеталык өндүрүштөгү боштукту толтура турган өлкө болушу мүмкүн
Бардык жагдайлар эске алынса, Түркиянын теңдемеге кириши таң калыштуу эмес... Анкара көп жылдан бери өз ракеталарын иштеп чыгууга аракет кылганы белгилүү.
Улуттук ракеталарды иштеп чыгуу үчүн иштеген компаниялар чындыгында көпкө созулган жана оор процесстен өтүштү. Олуттуу инвестициялардан, убакыттан жана олуттуу кыйынчылыктардан кийин түрк компаниялары ракета долбоорлорун ишке ашырты.
Бүгүнкү күндө ROKETSANдан MKEге, ARCAдан Baykar, SAGE, Kale Savunmaга чейин бир катар компаниялар ракеталык долбоорлорун ийгиликтүү ишке ашырды. Тагыраак айтканда, Түркия оор этапты артта калтырып, ракеталык долбоорлорду массалык өндүрө ала турган абалга келди.
Анкаранын танкка каршы ракеталары, круиздик ракеталары, абадан коргонуу ракеталары жана баллистикалык ракеталары массалык түрдө чыгарылууда. Андан тышкары, түрк коргонуу өнөр жайынын компаниялары өз кубаттуулугун тездик менен жогорулатууда.
Тобокелчилик ушунчалык жогору болгон мындай мезгилде, өзгөчө Европа өлкөлөрүнүн «10 жыл созулса да күтө туралы жана өз продукциябызды чыгаралы» деп айта турган шарты жок. Согуш босогодо турат. Ошондуктан керектөөлөр «эртеңки эмес, бүгүнкү күндүн талабы» катары күн тартибине чыгууда.
Ракета запастарын толуктоону же жаңыларын сатып алууну көздөгөн өлкөлөрдүн мүмкүнчүлүктөрү чектелүү. Бул жагынан алганда, Түркиянын туура башкаруу планы менен айырмаланып, Европанын да, башка аймактардын да суроо-талаптарын канааттандыра алары күтүлүүдө.
