Азербайжандын президенти Илхам Алиев тышкы иштер министри Хакан Фиданды кабыл алды.
Азербайжан Президенттигинин билдирүүсүнө ылайык, "Сүйлөшүүлөрдү өткөрүү үчүн Бакуга барган Фидан Алиев тарабынан кабыл алынды".
Жолугушууда Түркия-Азербайжан бир туугандык жана стратегиялык союздаштык мамилелер бардык тармактарда ийгиликтүү өнүгүп, "бир улут, эки мамлекет" принцибинин негизинде кызматташуу бекемделип жатканы канааттануу менен билдирилди.
Энергетика тармагындагы кызматташтыктын мааниси талкууланган жолугушууда, альтернативдик энергия үчүн эл аралык рынокторго жаңы жолдор боюнча пикир алмашылды.
Түркия менен Азербайжандын логистика жагынан, айрыкча Европа менен Азиянын ортосундагы негизги көпүрө ролуна басым жасалган жолугушууда, эл аралык уюмдардын алкагында иш-аракеттерди координациялоонун мааниси баса белгиленди.
Жолугушууда эки тараптуу мамилелердин келечеги, аймактык маселелер жана өз ара кызыкчылык жараткан башка темалар да талкууланды.
Тышкы иштер министри Хакан Фидан сапарынын алкагында Азербайжандын тышкы иштер министри Жейхун Байрамов менен да жолугушту.
