БУУнун гуманитардык маселелер боюнча башкы катчысынын орун басары Том Флетчер Судандагы согушту "жапайы жана адамгерчиликсиз" деп мүнөздөдү; бардык тараптарды өмүрду сактаган жардамдардын муктаждарга жетишине уруксат берүүгө жана жарандар менен гуманитардык жардам кызматкерлерин коргоого чакырды.

Бейшемби күнү БУУнун web сайтынан билдиргенине караганда билдирүү Флетчердин Судандын батышындагы Дарфур аймагында изилдөө учурунда жасалды.

Флетчер шейшемби күнү бир жумалык сапар менен Порт Суданга барды. Флетчер Дарфур сапарын улантууда; ал мурунку түнү Батыш Дарфур штатынын борбору Генейнада болгон. Андан кийин Борбордук Дарфурдун борбору Залингейге барып, андан соң Чыгыш Дарфурга карай жолго чыккан.

Флетчер: "Биз чоң жолго чыктык. Азыр Залингенге жакын жолдо бара жатабыз", - деди. "Кечээ кечинде биз Батыш Дарфурдагы Генейна шаарындагы Норвегиянын Качкындар Кеңешиндеги досторубуз менен болдук, азыр болсо Дарфурдун ичине, бул чыр-чатактын чордонуна карай жылабыз; ал жерде биз массалык өлүм жазаларын, массалык жер которууларды, массалык зордуктоолорду жана ачарчылыкты көрдүк”,- деп кошумчалады.

«Судандын чыгышындагы Порт-Суданда бир күн өткөрдүм, ал жердеги жетекчилер жана генерал Бурхан жана башкалар менен жолугуштум».

Кирүү мүмкүнчүлүгү тууралуу сұйлөшүүлөр

Флетчер Ыкчам колдоо күчтөрү менен да сүйлөшкөнүн, алардан гуманитардык иш жүргүзүү үчүн керек болгон бардык аймактарга толук кирүүгө, ошондой эле гуманитардык кызматкерлерди жана жайкын тургундарды коргоого кепилдик берүүнү суранганын айтты.

БУУ портто туруу үчүн курулган кеме эмес. Биз бул жердеги адамдар үчүн кызмат кылышыбыз керек жана бул кургактык жол мене чыккан сапары менен мен муну жасай турганыбызды жана жардам жеткире турганыбызды көрсөткүм келет", - деди.

2023 - жыл апрель айында башталган армия менен Ыкчам колдоо күчтөрүнүн ортосундагы кандуу согуштан улам Судандагы кыйынчылыктар начарлоону улантууда. Зомбулук оң миңдеген кишинин жанын алды жана 13 миллионго жакын адам жер которду.

26-октябрда Ыкчам колдоо күчтөрү Түндүк Дарфурдун борбор шаары Эль-Фашерди колго алды жана ал жерде кыргын кылуу менен айыпталууда. Бул топ Судандын 18 штатынан беш Дарфур аймагынын баарын көзөмөлгө алып, армия Хартум менен бирге 13 штатты кармап турат.

Эл аралык миграция уюмунун маалыматы боюнча, Түндүк Дарфурдагы Эль-Фашер жана анын тегерегиндеги айылдардан жер которгон адамдардын саны 99 миңден ашты.