АКШнын мамлекеттик катчысы Марко Рубио Газада жакында жаңы башкаруу органдары түзүлөрүн андан кийин эл аралык күчтөрдүн жайгаштырыларын айтып, Вашингтондун аймактагы морт ок атышпоону турукташтырууга аракет кылып жатканын билдирди.
Рубио жыл аягындагы персс - жыйынында Газада учурдагы абалдын туруктуу эмес экенин айтты жана октябрь айында президент Дональд Трамп администрациясы ортомчулук кылган ок атышууну токтотуудан бери Израилдин чабуулдарын улантып жатканын белгиледи.
Рубио эл аралык башкаруу органын жана Палестинанын технократиялык бийлигин түзүү планына, андан кийин аймакта турукташтыруу күчтөрүн жайгаштыруу планына токтолуп: "Ошондуктан биз биринчи этапты аяктоого шашылышыбыз керек",-деди.
Рубио технократиялык түзүмгө катыша турган палестиналыктарды аныктоодо ийгиликтерге жетишилгенин жана Вашингтондун мөөнөт бербестен, башкаруу түзүмүн "жакында" түзүүнү көздөгөнүн билдирди.
Рубио ушул аптада АКШнын Борбордук командирлигинин Дохада биргелешкен өлкөлөр менен Эл аралык туруктуулук күчтөрүн пландаштыруу боюнча сүйлөшүүлөрдү өткөргөндөн кийин сөз сүйлөп ХАМАСты кантип куралсыздандыруу тууралуу маанилүү суроолорго жооп берилбей калганын моюнга алды.
Кагылышуу тууралуу тынчсыздануулар
Аскер бөлүктөрүн жөнөтүүнү караштырып жаткан өлкөлөр өз күчтөрүнүн кагылышууларга киришинен тынчсызданышууда.
Рубио Вашингтондун потенциалдуу салым кошкондорго бийлик жана каржылоо маселеси боюнча дагы эле түшүндүрмө бериши керектигин айтты.
"Биз алардан акыркы милдеттенмелерди талап кылуудан мурун дагы бир нече жооп беришибиз керек деп ойлойм," - деген Рубио өзгөчө Пакистан да болгон бардык тараптар кабыл ала турган бир нече өлкөнүн бул маселеге кызыгып жатканын сөздөрүнө кошумчалады.
Рубио белгилегендей, коопсуздукту жана башкарууну орнотуу Газаны калыбына келтирүүгө эл аралык каражаттарды тартуу үчүн маанилүү.
“Согушту кайрадан баштай турган болсок кайрадан жок кылына турган нерселерди куруу үчүн ким миллиарддаган долларды бере алат? Кимдин жооптуу экенин жана узак мөөнөттө туруктуулуктун түзүлөрүн билгиси келет”,- деди Рубио.
«
