Ок атышпоо келишимин бузган Израиль армиясы түштүк Газага кол салып, Газанын борборундагы качкындар лагерине кирип барды.
Жергиликтүү булактар дүйшөмбү күнү Anadolu агенттигине берген маалыматка караганда, Израилдин согуштук учактары түштүктөгү Рафахтын бир нече райондоруна абадан сокку урду, ал эми шаардын түндүк бөлүктөрүндө аскердик унаалардан артиллериялык ок атышуулар жана курал үндөрү угулду.
Газанын түндүгүндө Израилдин аскердик унаалары жана бульдозерлери күчтөр ок атышпоо келишиминин алкагында чыгып кеткен Жебалия качкындар лагерине кирди.
Булактар Израилдин квадрокоптер дрондору катуу ок чыгарганын жана армия күчтөрү лагерден чыгып кетүүдөн мурун бульдозер менен айрым имараттарды талкалаганын кошумчалашты.
Газа шаарында Израиль көзөмөлдөгөн сары зонага жайгаштырылган аскердик унаалар шаардын чыгыш бөлүгүндөгү турак жай конуштарына ок чыгарышты.
Жабыркагандар тууралуу маалымат билдирилген жок.
10-октябрда ок атышууну токтотуу күчүнө киргенден бери Израилдин аскерлери Газада жүздөгөн мыйзам бузууларды жасап, 401 палестиналыктын өмүрүн алды.
2023-жылдын октябрынан бери Израилдин аскерлери Газага кол салууларда болжол менен 71 000 палестиналыкты, көбүнчө аялдар менен балдарды өлтүрүп, 171 000ден ашуун адамды жарадар кылышты.
