Орусия Балтика деңизинде аскердик машыгууларды өткөрүп жатканын жарыялады. Бул машыгууларга Балтика жана Түндүк флоттору катышып ошондой эле авиация да колдоо көрсөтүүдө.
Коргоо министрлигинин билдирүүсүндө, деңиз күчтөрү шарттуу душмандын деңиз флотуна чабуул жасоо үчүн машыгуудан өтүп жатканын, бирок машыгуунун башталышы жана бүтүшү тууралуу маалымат айтылган жок.
Түндүк флотко таандык жана «Циркон» гиперүндүү канаттуу ракеталарын ташыган «Адмирал Касатонов» фрегаты Балтика флотуна караштуу кемелер менен биргеликте электрондук аткылоо жүргүзгөнү маалымдалды.
Министрликтин айтымында, "антитеррордук топтор террористтер тарабынан басып алынган кемелерди текшерүү жана бошотуу боюнча машыгууларды өткөрүштү".
Деңиз жана Аба күчтөрү деңиз коопсуздугун камсыз кылуу, кемелерди басып алуунун алдын алуу жана "душман мамлекеттердин мыйзамсыз аракеттерине" каршы биргелешкен операцияларды өткөрүштү. Ошондой эле Су-27 учактарынын экипаждары жасалма душман учактары менен аба согуштарын симуляциялап, виртуалдык ракета аткылоолорун ишке ашырышты.
