Шейшемби күнү Москвада өткөн басма сөз жыйынында Песков, Украина сүйлөшүүлөрүнө катышкан бардык тараптар Стамбулду сүйлөшүү аянтчасы катары кубаттаганын, ошондуктан сүйлөшүүлөр бул жерде улантылышы мүмкүн экенин кабарлады.
"Албетте, Стамбул варианты бар жана бардык тараптар буга абдан оң көз карашта", - деп кошумчалады Песков.
Песков ошондой эле Бириккен Араб Эмираттарынын өкмөтүнө мурунку сүйлөшүүлөрдү уюштурууга көрсөткөн жардамы жана түзүлгөн атмосфера үчүн ыраазычылык билдирди.
Кремлдин басма сөз катчысы:"Албетте, БАЭ бийлиги тарабынан бул үч тараптуу сүйлөшүүлөр үчүн түзүлгөн атмосфераны баары жогору баалайт жана Бириккен Араб Эмираттарынын өкмөтүнө сүйлөшүү процессин уюштурууга көрсөткөн жардамы үчүн баары ыраазы", - деди.
Орусиядагы интернеттин өчүрүлүшүнө да токтолгон Песков "коопсуздукту камсыз кылуу" үчүн өчүрүүлөр "зарыл болгон убакытка чейин" улана берерин айтты.
