ГАЗАДАГЫ СОГУШ
2 мүнөт окуу
БУУ Газаны "дүйнөнүн эң көп ачкачылык кыйынчылыгын тарткан" жери деп мүнөздөдү
Бириккен Улуттар Уюмунун Гуманитардык иштерди координациялоо кеңсесинин өкүлү азыркы учурда дүйнөнүн эң көп ачкачылык кыйынчылыгын тарткан жер Газага 180 000 азык - түлүк жана башка өмүр куткаруучу жардам палетинин кирүүгө даяр экендигин айтты.
БУУ Газаны "дүйнөнүн эң көп ачкачылык кыйынчылыгын тарткан" жери деп мүнөздөдү
/ Reuters
 

БУУнун Гуманитардык иштерди координациялоо башкармалыгы (OCHA) курчоодогу Газа тилкесин "дүйнөнүн эң көп ачкачылык кыйынчылыгын тарткан" жер деп мүнөздөп, жардамдарды дароо аймакка киргизүүгө чакырды.

БУУнун OCHA уюмунун өкүлү Йенс Лерке UN News агенттигине берген маегинде: "Азыркы учурда дүйнөдөгү эң ачка аймак болгон Газага азык-түлүк жана башка өмүрдү сактап калуучу жардамдар жүктөлгөн 180 000ге жакын палет кирүүгө даяр", - деди.

"Бул жардамдар дүйнө жүзүндөгү донорлор тарабынан каржыланган, бажыдан өткөн, бекитилген жана жөнөтүүгө даяр. Биз жардамды дароо, кеңири масштабда жана зарыл болгон убакытка чейин жеткире алабыз," деп кошумчалады ал.

Лэрке агенттиктин "жарандарга жардамды коопсуз жеткирүү үчүн бардык зарыл нерселерге ээ" экенин баса белгиледи.

Март айынан бери Израиль блокададагы аймакка азык-түлүк жардамын киргизүүгө тыюу салып, палестиналыктарды ачкачылыкка дуушар кылууда.

"Системалуу жалган маалымат кампаниясы"

Газадагы жергиликтүү бийлик ХАМАСтын унду кампаларда топтоп жатат деген Израилдин айыптоолорун четке кагып, муну Тель-Авивдин ачарчылыкты согуш куралы катары колдонуу боюнча эл аралык жоопкерчиликтен качуу үчүн жүргүзүп жаткан "системалуу дезинформациялык кампаниясынын" бир бөлүгү деп билдирди.

Израиль армиясынын катчысы Авичай Адрае X платформасында Израилдин ачкачылык тактикасынан кыйналган, үмүтсүз палестиналыктардын БУУнун бир кампасына чабуул жасаганын көрсөткөн видео жарыялады.

Буга жооп катары, Газанын Медиа кеңсеси: "Израиль оккупациясы жарандарды бутага алган ачкачылык саясатын жаап-жашыруу үчүн жалган маалыматтарды таратууда, ошол эле учурда эл аралык уюмдардын палестиналык үй-бүлөлөргө жардам таратуусуна тыюу салган өзү”,- деген билдирүү жасады.

Кеңсе эл аралык уюмдардын Израил армиясынын БУУнун Дүйнөлүк азык-түлүк программасынын ун жана азык-түлүк жардамдарын муктаж үй-бүлөлөргө жеткирүүсүнө тоскоол болгонун, анын ордуна жардамдарды наабайканаларга гана багыттоого буйрук бергенин билдирди. Бул саясат "атайын ачкачылык жаратуу" деп аталууда.

Израиль курчоодогу Газада бүгүнкү күнгө чейин жасаган кыргындарында көбү аялдар жана балдар болгон 54 000ден ашуун палестиналыкты өлтүрдү.

Иликте
Министр Курум: "Антальяда бирдиктүү жана бекем макулдашууга жетишүүгө чечкиндүүбүз"
ЕБдан Украинада  ыктымалдуу тынчтык келишими үчүн коопсуздук кепилдиктерин талап кылды
Путин APEC ишкер лидерлерине экономикалык кысымдын «артта калганын» айтты
Азербайжандын тышкы иштер министри Байрамов Түркия менен карым-катнаштарга баа берди
Түркия Газаны колдоо үчүн «Анталья–Газа» коридорун түзүүнү сунуштады
Россия: Украина Крым көпүрөсүнө кайрадан чабуул жасады
Министр Фидан: "Түркиянын борбордук ролуна баары жогору баа берүүдө"
Мыйзамсыз израилдик отурукташуучулар Иерихонго жакын жерде палестиналык аялды өлтүрдү
Түштүк Кореяда 75 жыл мурда согушта курман болгон аскердин сөөгүнүн калдыгы үй-бүлөсүнө тапшырылды
Иран АКШнын аскердик учкучсуз учуучу аппаратын кармап алганын билдирди
Россия: Украинада убактылуу ок атышууну токтотууну эмес, көп жылдарга созулган тынчтыкты каалайбыз
Коммуникация башкармалыгынын башчысы Дурандын Палестина боюнча билдирүүсү
Президент Эрдоган:"Палестина маселесин бардык аянтчаларда чечкиндүү түрдө коргоону улантабыз"
Президент Эрдоган: «Кандай гана жагдай болбосун, Кипрди эч качан жалгыз калтырбайбыз»
Түркия Түндүк Кипр Түрк Республикасынын түзүлүшүнүн 43 жылдыгы менен куттуктады