Армения өкмөтү өлкөгө кирүү жана чыгууда паспортторго басылган мөөрлөрдөгү Агры тоосунун символун чыгаруу чечимин кабыл алды.
Жергиликтүү маалымат каражаттарынын жазганына караганда, Арарат тоосунун символу түшүрүлгөн маркалар 2025-жылдын 1-ноябрынан тарта колдонулбайт.
Арарат тоосу Түркиянын Армения чек арасына жакын аймагында жайгашкан.
Армениянын Эмгек жана социалдык маселелер министри Арсен Торосян АКШда жайгашкан X социалдык медиа платформасындагы билдирүүсүндө, жаңыланган мөөрлөр чек арадан өтүү тууралуу гана маалыматты камтый турганын жана кошумча сүрөттөр болбой турганын билдирди. Торосян ошондой эле мунун көпчүлүк өлкөлөр карманган ыкма экенин белгиледи.
Армян бийликтери чек арадан өтүүдө колдонулган паспорттук мөөрлөрдөн Агры тоосунун сүрөтүн чыгаруу чечимин коңшу өлкөлөргө кооптуу билдирүүлөрдү жөнөтүүдөн качуу максатында кабыл алышкандарын билдирди.
Өткөн күндөрдөгү талаш - тартыштар
2023-жылы Франция социалдык медиада француз жетекчининАрмения жөнүндө Арарат тоосунун сүрөтүн камтыган талаштуу постун жактаган. Бул билдирүү ашкере улутчул армяндардын аймактык дооматтарын кыйыр түрдө колдоо катары кабыл алынган.
Ошол мезгилде Парижде Тышкы иштер министрлигинин маалымат жыйынында министрликтин өкүлүнөн Франция тоону Арменияга таандык деп эсептейби, француз жетекчилери бул боюнча "туура эмес маалымат алышканбы" же мындай бөлүшүү көптөгөн түрк жарандарын тынчсыздандырарын билеби деп сурашкан.
Тышкы иштер министрлигинин басма сөз катчысы Анна-Клэр Лежендре: «Арарат тоосу Армениядан караганда символикалык көрүнүштү тартуулайт»,-деп, тоонун чек арага жакын жайгашканын айтты.
Түркиянын сыны
Түркия-Арменияны нормалдаштыруу процессинин атайын өкүлү, элчи Сердар Кылыч X каналында бөлүшүлгөн билдирүүсүндө тоонун түрк чек араларында экенин баса белгиледи.
Кылыч: «Урматтуу министр, сүрөттөгү тоо Арарат тоосу жана Түркиянын чек араларында жайгашкан жана анын ажырагыс бир бөлүгү»,- деди.
Кылыч өзгөчө : "Демек, сиздин сапарыңыздын максаты абдан түшүнүксүз, же сизге география боюнча негизги билим керек", - деп айткан.
