Түркиянын тышкы иштер министри Хакан Фидан жана Түркиянын Улуттук Чалгындоо Уюмунун (MIT) башчысы Ибрахим Калын Анкарада жаңы жылдын биринчи дипломатиялык жолугушуусун Украинанын Улуттук коопсуздук жана коргонуу кеңешинин катчысы Рустем Умеров менен өткөрүштү.
Түркиянын Тышкы иштер министрлигинин берген маалыматына ылайык, Фидан менен Умеровдун жолугушуусу бейшемби күнү Анкарада өттү.
Кенен түрдө маалымат берилген жок, бирок сүйлөшүүлөр дээрлик төрт жылга созулган Россия -Украина согушун токтотууга жардам бере аларына байланыштуу эл аралык деңгээлде күч алган позитьивдүү бир чөйрөдө ишке ашты.
Москва жана Киев менен иш алып баруу карым - катнаштарын улантып жаткан Түркия кагылышуу башталгандан бери өзүн негизги ортомчу катары көрсөтүп, ок атышууну токтотуу аракеттерин, туткундарды алмашуу жана согушту токтотууга багытталган сүйлөшүүлөрдү колдоду.
Ибрахим Калын менен жолугушуу
Коопсуздук булактарынан алынган маалыматка ылайык, Умеров менен Калындын жолугушуусунда Украинадагы учурдагы коопсуздук абалы, ошондой эле Россия менен Украинанын ортосундагы уланып жаткан кагылышуу жана анын аймактык жана глобалдык кесепеттери талкууланды.
Тараптар сүйлөшүү учурунда тынчтыкка жетишүү үчүн таштала турган кадамдарды, сүйлөшүү процесстериндеги акыркы окуяларды жана аймактык кырдаалды эске алуу менен ишке ашырыла турган потенциалдуу иш-аракеттерди карап чыгышты.
Мындан тышкары, жолугушууда Россияда кармалып турган украиналык аскер туткундарын бошотуу маселеси жана тараптардын ортосундагы туткундарды алмашуу боюнча аракеттер да талкууланды.
Калын менен Умеров учурдагы кызматташтык механизмдеринин алкагында Түркия менен Украинанын ортосундагы системалуу кызматташууну улантуу боюнча макулдашышты.
Фидандын 2025-жылдагы дипломатиялык маратону
Умеров менен болгон жолугушуу Фидандын интенсивдүү дипломатиялык жылын жыйынтыктагандан кийин ишке ашты.
Тышкы иштер министрлигинин көрсөткүчтөрүнө караганда, 2025-жылы 89 өлкөдөн кесиптештери менен 241 жолу жолугушуу өткөрдү жана Анкаранын эл аралык деңгээлде тышкы саясаттагы активдүү кадамдарын баса белгиледи.
Министрлик тарабынан бөлүшүлгөн видеодо Фидандын өткөн жылы 50 өлкөгө 73 жолу өлкө тышы сапар жасаганы, алардын 22си президент Режеп Таййип Эрдоган менен бирге жасалганы баса белгиленди.
Түркиянын тышкы иштер министри өзгөчө 22 көп тараптуу жыйынды өткөрүп, 31 эл аралык жыйынга катышты, алардын 10уна президент Эрдоган да катышты.
Мындан тышкары, Түркия 96 өлкөнүн тышкы иштер министрлерин эки тараптуу сапарлар жана көп тараптуу иш-чаралар аркылуу кабыл алып, бул Анкаранын дүйнөлүк өзгөрүп жаткан шарттардагы кеңири дипломатиялык жеткиликтүүлүгүн көрсөттү.
