ТҮРКИЯ
2 мүнөт окуу
Эрдоган: Израиль Иран согушун токтотууга багытталган бардык аракеттерге тоскоол болууну улантууда
Президент Эрдоган Израиль Аль-Акса мечитин жаап, камактагы палестиналыктарга өлүм жазасын киргизүү менен чыңалууну күчөтүп жатканын айтты.
Эрдоган: Израиль Иран согушун токтотууга багытталган бардык аракеттерге тоскоол болууну улантууда
Түркиянын президенти: Израиль бардык аракеттерге тоскоол болууда. / AA
 

Президент Режеп Таййип Эрдоган Жакынкы Чыгышта 28-февралда башталган согуш дипломатиялык аракеттерге карабастан дагы деле адамдардын өмүрүн алып жатканын айтып, Израилди жаңжалды токтотууга багытталган демилгелерге тоскоол болууда деп айыптады.

Дүйшөмбү күнү Анкарадагы Президенттик комплексте өткөн Министрлер кабинетинин жыйынынан кийин сүйлөгөн сөзүндө президент Эрдоган: "Израиль өкмөтү согушту токтотууга багытталган бардык аракеттерге тоскоол болууну улантууда", - деди.

Эрдоган: "Кагылышууларды токтотуу жана сүйлөшүүлөргө орун ачуу үчүн кичинекей мүмкүнчүлүктү да колдонууга чын жүрөктөн аракет кылып жатабыз", - деп кошумчалап: "Биз бул мыйзамсыз, маанисиз жана бүткүл адамзат үчүн оор кесепеттерди алып келген согуштун мүмкүн болушунча тезирээк аякташын үмүт кылабыз", - деди.

Эрдоган ошондой эле Түркия ок атышууну токтотууну камсыз кылуу үчүн дипломатиялык байланыштарын көбөйткөнүн билдирди. «Согуш созулган сайын жалын башка өлкөлөргө да жайылып кетиши мүмкүн деп эскерттик. Кагылыштын 38-күнүн артта калтырып жатып, тилекке каршы биздин аймак үчүн дагы деле ошол эле тынчсыздануулар бар», - деди.

Эрдоган: «Тобокелдиктердин көбөйүшүнө карабастан мен президент катары жана министрлерибиз дипломатиялык байланыштарыбызды тездетип жатабыз», - деп айтып, Израилдин Аль-Аксаны жабык кармоо, камактагы палестиналыкга өлүм жазасын киргизүү жана Ливан менен Сириядагы чыңалууну күчөтүү менен «чыңалуудан азыктанып жатканын» далилдегенин билдирди.

Президент Эрдоган аймактагы акыркы окуялар, ички биримдикти жана тилектештикти чыңдоо үчүн башталган «Террордон арылган Түркия» процессинин маанисин баса белгилеп жатканын айтты.

Эрдоган: «Түрктөр, күрттөр, арабдар жана перстердин ортосунда дубал куруу аракеттери көрүлүп жаткан учурда биз террордон арылган Түркия жана террорсуз аймак жөнүндөгү көз карашыбыз менен бул оюндарды жокко чыгара алабыз», - деди.

Иликте
Министр Курум: "Антальяда бирдиктүү жана бекем макулдашууга жетишүүгө чечкиндүүбүз"
ЕБдан Украинада  ыктымалдуу тынчтык келишими үчүн коопсуздук кепилдиктерин талап кылды
Путин APEC ишкер лидерлерине экономикалык кысымдын «артта калганын» айтты
Азербайжандын тышкы иштер министри Байрамов Түркия менен карым-катнаштарга баа берди
Түркия Газаны колдоо үчүн «Анталья–Газа» коридорун түзүүнү сунуштады
Россия: Украина Крым көпүрөсүнө кайрадан чабуул жасады
Министр Фидан: "Түркиянын борбордук ролуна баары жогору баа берүүдө"
Мыйзамсыз израилдик отурукташуучулар Иерихонго жакын жерде палестиналык аялды өлтүрдү
Түштүк Кореяда 75 жыл мурда согушта курман болгон аскердин сөөгүнүн калдыгы үй-бүлөсүнө тапшырылды
Иран АКШнын аскердик учкучсуз учуучу аппаратын кармап алганын билдирди
Россия: Украинада убактылуу ок атышууну токтотууну эмес, көп жылдарга созулган тынчтыкты каалайбыз
Коммуникация башкармалыгынын башчысы Дурандын Палестина боюнча билдирүүсү
Президент Эрдоган:"Палестина маселесин бардык аянтчаларда чечкиндүү түрдө коргоону улантабыз"
Президент Эрдоган: «Кандай гана жагдай болбосун, Кипрди эч качан жалгыз калтырбайбыз»
Түркия Түндүк Кипр Түрк Республикасынын түзүлүшүнүн 43 жылдыгы менен куттуктады