Газадагы аскердик операциялар жана палестиналыктарга гуманитардык жардамдардын чектелишинен улам Израилге карата эл аралык сын күчөгөн учурда жарыяланган сурамжылоого ылайык, немистердин көпчүлүгү Израилге курал-жарак экспорттоого каршы.
Der Tagesspiegel гезити үчүн Civey компаниясы жүргүзгөн сурамжылоодо катышуучулардын 51 пайызынын Израилге курал жеткирүүгө каршы экендиги билдирилген. Өзгөчө солчул көз караштагы шайлоочулардын арасында бул позиция күчтүү болуп, беш кишиден төртөөсү бул экспортко каршы экенин айтышкан.
Премьер-министр Фридрих Мерц башында турган Христиан-Демократтардын арасында 34 пайызы Израилге курал экспорттоого каршы экенин билдирсе, 22 пайызы чечим чыгара электигин айткан. Коалициялык өнөктөш Социал-Демократтардын ичинен 48 пайызы Израилге курал экспорттоонун туура эмес экендигин билдирген.
Сурамжылоо ошондой эле Германия элинин премьер-министр Биньямин Нетаньяхунун өкмөтүнө карата Берлиндин позициясынын алыс болушун каалаган талаптын өсүп жатканын көрсөттү. Катышуучулардын 44 пайызы Израилге карата сын көз карашта болууну жактаса, бул көрсөткүч 2023-жылдын жайында 33 пайызды түзгөн. Ал эми 23 пайызы гана Израиль өкмөтү менен тыгыз байланыш түзүүнү колдоду.
Сурамжылоо ошондой эле немистердин үчтөн эки бөлүгүнүн өкмөттөн Израилдин Газага дагы көп гуманитардык жардам киргизүүгө уруксат берүү үчүн кысым көрсөтүүнү каалаарын көрсөттү. Бул пикирди 65 жаштан жогорку катышуучулардын дээрлик төрттөн үчү Израилге карата саясий кысымды күчөтүүнү колдосо, 18-29 жаштагылардын арасында бул көрсөткүч 50 пайызды түздү.
Сурамжылоо 2025-жылдын 23-26-май күндөрү жүргүзүлүп, 18 жаштан жогорку 3000ден ашуун немис жарандарынын жоопторун камтыган.
