АКШнын президенти Дональд Трамп Түркиянын борбор шаары Анкарада өткөн НАТО саммитине токтолуп, НАТО “бүгүн чоң жолду басып өттү” деп айтты жана “айрым маселелерде түзөтүүлөргө макул болушту” деп кошумчалады.
Президенттик учакта журналисттерге маалымат берген Трамп "абдан мыкты" НАТО саммитин өткөргөнүн айтты.
Трамп: “Абдан жакшы эки күн өткөрдүк. Көптөгөн маселе боюнча чечим чыгарылды. Негизинен НАТО чындыгында да абдан таасирдүү болду", - деди.
Эки тараптуу келишимдер
Трамп Анкарада өткөн саммиттин “көптөгөн маселени чечкенин” белгилеп : “Мыкты саммит өттү жана жана адамдар АКШга адилетсиз мамиле жасалганын түшүнүшүнүп жатышат", - деди.
Трамп маселелерге карабастан: «Испания бүгүн толугу менен позициясын өзгөрттү. Испания бүгүн абдан марттык кылды. Билесиздер, мен аларга сооданы токтоторумду айткам. Алар менин көптөгөн төлөм талаптарымды кабыл алышты”, — деди.
АКШ президенти: «Алар абдан жаман болушкан, менин оюмча абдан жаман мамиле кылышкан. Бирок бүгүн ал бөлмөдө чоң биримдик бар эле», — деп кошумчалады ал.
Трамп ошондой эле АКШнын Түркия менен “көптөгөн жакшы соода келишимдерин” түзгөнүн белгилеп: “Түрктөр абдан жакшы өнөктөш болушту”, — деди.
