Полициянын шейшемби күнкү билдирүүсүнө караганда, Омандын борбору Маскат шаарынын жээгинде кеме оодарылып, үч француз туристи каза болду.
Омандын Королдук полициясы билдиргендей, Оман булуңунда кеме оодарылган учурда ичинде 25 француз туристи, бир тургиди жана бир капитан болгон. Кырсыктын кесепетинен үч турист набыт болуп, экөө жеңил жаракат алган.
Полиция кыскача билдирүү жарыялап «окуянын кандайча болгонун аныктоо боюнча иликтөө иштеринин жүргүзүлүп жатканын» маалымдады.
Араб жарым аралынын чыгыш четинде жайгашкан Оман дайвинг мүмкүнчүлүктөрү жана табигый кооздугу менен дүйнөнүн төрт бурчунан келген туристтерди өзүнө тартууда.
