Орусиянын Украина менен чектеш аймактарында бир түндүн ичинде эки көпүрөнүн урашы жети кишинин өмүрүн алып кетти жана жарылуулар себеп болду. Бийлик бул окуяны «террордук акт» катары сыпатташууда.
Орусиянын Брянск облусунда, Украина менен чектешкен жерде унаа көпүрөсү темир жол линиясына кулап түштү. Ишембиге караган түнү болгон окуяда Москваны көздөй бара жаткан жүргүнчү поезд рельстен чыгып кетип, жети киши каза болгон. Жекшемби күнкү билдирүүсүндө бийликтер каза болгондорду ырасташты.
Андан көп өтпөй эле коңшу Курск облусунда темир жол көпүрөсү жарылып, урап түшкөн. Жүк ташуучу поезд рельстен чыгып кетип, инженер жаракат алган.
Бийликтер жардыруулардын артында кимдер турганын айтышкан жок, бирок окуя боюнча кылмыш иши козголгонун билдирди.
Кремлдин билдирүүсүндө, Орусиянын президенти Владимир Путин түнү бою болгон окуялар тууралуу маалымат алды.
Социалдык медиада бөлүшүлгөн кадрларда Брянск облусунда Орусиянын темир жолдорунун урандыларынын үстүндө куткаруу топтору иштеп жатканы, башка бир видеодо кыйкырыктар чагылдырылган.
Брянск облусунун губернатору Александр Богомаз Telegram баракчасында «Көпүрөнүн темир жолго кулашынан жети адам каза болду» деп билдирди.
Богомаз кеминде 71 кишинин жарадар болгонун, алардын 44ү ооруканага жеткирилгенин билдирди.
Курск облусунда темир жол көпүрөсү кулагандан кийин жүк ташуучу поезд рельстен чыгып, жолго оодарылып кеткен.
Курск облусунун губернатору Александр Хинштейн Telegram баракчасына:«Железногорск районунда түн ичинде жүк ташуучу поезд өтүп баратканда көпүрө кулап түштү. Поезд көпүрөнүн астынан жолго оодарылып кетти. Локомотивдин машинисттеринин бири бутунан жаракат алып, экипаждын баары ооруканага жеткирилди», - деп билдирди.
«Мыйзамсыз кийлигишүү»
Орус бийликтери азырынча жардырууларга ким жооптуу экени тууралуу расмий билдирүү жасай элек.
Орусиянын Тергөө комитетинин өкүлү бул окуялар «террордук акт» катары классификацияланганын билдирип, бирок чоо-жайын айткан жок.
Бийликтеги «Бирдиктүү Орусия» партиясынын лидери депутат Андрей Клишас жардыруу үчүн Украинаны айыптап, аны «терроризмдин уясы» деп мүнөздөдү.
2022-жылы Украинага каршы массалык аскерий чабуулун баштагандан бери Орусия темир жол тармагына бир нече саботаждык чабуулдардын бутасына айланды. Киев өкмөтү Орусия темир жолдорун фронтко аскерлерин жана курал-жарактарын ташуу үчүн пайдаланып жатат деп билдирди.
Журналисттер Москванын борборундагы станциялардын биринде Брянск облусунан келген адамдар жакындарын күтүп жаткан кадрларды бөлүшүштү.
Орус жараны Сергей Тринкинец басма сөзгө берген маалыматында: «Орус темир жолу бул жерге аман калгандар келерин айтты», - деди. «Акыры атам мени менен байланышты. Ал денеси көгөрүп, өзүн жакшы сезбей жатканын айткандыктан аны менен жолугууга келдим», - деп кошумчалады ал.
Брянск облусунда окуя болгон жерден тартылган делген видеодо аялдын: «Көпүрө кантип урап калды? Ал жерде балдар бар!» деген кыйкырыгы угулат. Видеодо күбөлөр жардам табууга аракет кылып жатканда кыйкырыктарды да көрүүгө болот.
Орусиянын Өзгөчө кырдаалдар министрлиги Брянск облусунда окуя болгон жерде бир топ болгонун, ал эми Орусиянын темир жолдору аймакка оңдоочу поезддерди жөнөтүп жатканын билдирди.
Окуялар АКШ баштаган дипломатиялык аракеттердин алкагында Стамбулда Орусия менен Украинанын расмий өкүлдөрүнүн ыктымал жолугушуусунун алдында орун алды. Москванын Украинага каршы үч жылдык чабуулу он миңдеген адамдардын өмүрүн алды. Учурда Орусия коңшусунун бештен бир бөлүгүн ээлейт.
