Расмий өкүлдөр шаршемби күнү “Украинанын борборундагы Кировоград облусуна орус дрондорунун чабуулу электр жарыгынын өчүрүлүшүнө жана темир жол ишинин үзгүлтүккө учурашына себеп болду” билдиришти.
Андрей Райкович Telegram социалдык тармагында «Учурда облустун борборунда жана Александривка аймагындагы 44 конушта электр энергиясы жарым-жартылай өчүрүлгөн абалда», – деп жазды.
Анын айтымында, айрым жеке үйлөр да жабыркап, темир жол каттамдары үзгүлтүккө учурады. Өзгөчө кырдаалдар кызматы үч жерде өрт менен күрөшүп жатканын билдирип, жабыркагандар жок экенин кабарлады.
Темир жол линиясы бутага алынды
Украинанын вице-премьер-министри Алексей Кулеба орус күчтөрү түндө темир жол инфраструктурасын бутага алганын, бирок окуя болгон жер тууралуу кеңири маалымат берген жок.
Кулеба «Мындай чабуулдардын максаты ачык: жүргүнчү жана жүк ташууну үзгүлтүккө учуратуу, транспорттун туруктуу ишин бузуу жана адамдар менен экономикага кошумча кысым көрсөтүү», – деди.
Ал арада РИА агенттиги станциянын өкүлүнө таянып, Украинанын чабуулунан кийин Запорожье атомдук электр станциясынын күйүүчү май сактоочу жайында чыккан өрттүн өчүрүлгөнүн кабарлады.
Атомдук энергия боюнча эл аралык агенттик шейшемби күнү станциядагы кызматкерлери объектинин жанында бомбалоонун үнүн угуп, үч башка жерден кара түтүн көтөрүлгөнүн байкашканын билдирди.
