Россиянын президенти Владимир Путин Россия менен АКШ "эки чоң ядролук держава" катары глобалдык коопсуздук үчүн жалпы жоопкерчиликти бөлүшөрүн айтты.

Кремлден берилген билдирүүгө ылайык, Путин ишемби күнү АКШнын эгемендүүлүгүнүн 250 жылдыгына карата АКШнын президенти Дональд Трампка жолдогон куттуктоо катында Эгемендүүлүк декларациясына кол коюлушу бир гана АКШнын түптөлүшүн эмес, ошол эле учурда "дүйнөлүк тарыхтагы маанилүү бурулуш учурду" да түшүндүрөрүн белгиледи.

Путин Россиянын "Түндүк Американын колониялык державаларынын британ бийлигине каршы эркиндик үчүн күрөшүн шартсыз колдогонун" айтып, Москва менен Вашингтон эки дүйнөлүк согушта тең союздаш болгонун эске салды.

Путин куттуктоосунда: "Биз эки дүйнөлүк согушта тең союздаш болдук, нацизмдин коркунучунан адамзтты биргеликте куткардык, андан кийин заманбап дүйнөлүк тартиптин пайдубалын түптөөдө маанилүү ролду ойнодук. Бүгүнкү күндө Россия менен АКШ эки чоң ядролук держава катары глобалдык масштабда коопсуздукту жана туруктуулукту камсыз кылууда өзгөчө жоопкерчиликти алышат", - деди.

Путин Москва менен Вашингтондун ортосунда "конструктивдүү, тең укуктуу жана өз ара пайдалуу" карым - катнаштарды түзүүнүн маанисин баса белгилеп, бул кадамдардын эки өлкөнүн жана жалпы эл аралык коомчулуктун кызыкчылыгына кызмат кыларына ишенерин билдирди.