Президент Режеп Таййип Эрдогандын көптөн бери Бириккен Улуттар Уюмунун системасына өзгөртүү киргизүү чакырыктарында кайталаган ураандары болгон «Дүйнө бештен чоң» жана «Адилеттүү дүйнө мүмкүн» деген сөздөрү бир фотосүрөтү менен бирге Нью-Йорктун борбордук көчөлөрүндө чагылдырылды.
Көптөгөн жылдардан бери БУУнун Коопсуздук Кеңеши вето укугуна ээ беш мүчөсү (АКШ, Улуу Британия, Франция, Орусия жана Кытай) ченемсиз таасирге ээ деген сындарга кабылып келет.
Президент Эрдоган шейшемби күнү БУУнун Башкы ассамблеясынын 80-сессиясында сүйлөгөн сөзүндө, Бириккен Улуттар Уюмун реформалоо чакырыгын дагы бир жолу кайталады.
«Адилеттүү дүйнө мүмкүн»
Эрдоган «80 жылдыгында БУУнун негиздөөчү духуна кайтып келүү үчүн зарыл кадамдарды жасоо биздин жалпы жоопкерчилигибиз болуп саналат. Биз күчтүүнүн сөзү эмес, укук күчтүү болгон тартипти орнотмоюнча «Дүйнө бештен чоң» деп айтууну улантабыз»,-деди.
Президенттин "Адилеттүү дүйнө мүмкүн" деген билдирүүсү Таймс аянтындагы LED экрандарда да көрсөтүлдү.
