Түркмөнстандын президенти Сердар Бердимухаммедов Азербайжанга жасаган расмий сапарынын негизинде президент Илхам Алиев менен жолугушту.
Жолугушууларда транспорт, энергетика, экономика жана өнөр жай башта болгон түрдүү тармактарда кызматташтыктын өнүктүрүлүшү каралды.
Сапардын алкагында Алиев менен Бердимухаммедовдун катышуусу менен Азербайжанжан Түркмөнстанга белекке берилген «Достук» аттуу мунай танкеринин онлайн форматта тапшыруу аземи өттү. Баку кеме куруу заводунда курулган танкер 141 метр узундукта жана эни 16,9 метр кеңдикте, сууга түшүү көлөмү 4,54 метр. Жүк көтөрүмдүүлүгү 7 875 тонна болгон бул танкерге эки өлкөнүн ортосундагы достуктун жана кызматташтыктын символу катары баа берилүүдө.
Сүйлөшүүлөрдөн кийин Алиев менен Бердимухаммедов биргелешкен билдирүүгө кол коюшту. Ошондой эле бажы, спорт, эмгек жана социалдык камсыздоо, саламаттыкты сактоо, азык-түлүк коопсуздугу, өнөр жай, энергетика, айыл чарба, экономика жана каржы тармактарындагы тиешелүү мекемелердин ортосунда ар кандай келишимдерге жана өз ара түшүнүшүү меморандумдарына кол коюлду.
Кол коюлгандан кийин биргелешкен пресс - жыйын өткөрүлдү.
Алиев транспорт жана логистика тармагындагы кызматташуунун бир гана эки өлкө үчүн эмес, дагы кенен бир география үчүн да стратегиялык мааниге ээ экендигин белгиледи.
Алиев дүйнөдө ишенимдүү жана коопсуз транспорттук коридорлордун саны чектелүү экенин белгилеп: "Өлкөлөрүбүздүн ортосунда саясий өз ара ишеним болбогондо, бул долбоорлорду ишке ашыруу үчүн географиялык мүмкүнчүлүктөр жалгыз бул долбоорлордун ишке ашырылышында жетишсиз болмок. Көбөйгөн жүк ташууларды мындан ары өнүктүрүү жана үчүнчү өлкөлөрдөн жаңы жүк агымдарын тартуу максатында транспорт жана логистика тармагында координацияны күчөтүүгө макулдаштык",- деди.
Түркмөнстандын президенти Бердимухаммедов да Азербайжанга "Достук" мунай танкерин белек кылганы үчүн ыраазычылык билдирип, бул белекти эки өлкөнүн ортосундагы бир туугандык карым - катнаштардын символу катары карай турганын билдирди.
Бердимухаммедов танкердин эки өлкөнүн өнүгүшүнө салым кошоруна ишенерин билдирип, Түркмөнстан Азербайжан менен карым - катнаштарын мындан ары да өнүктүрүүгө чоң маани берерин белгиледи.
Бердимухаммедов Азербайжан жана Түркмөнстан элдерин кылымдар бою жакшы коңшулук мамилелери, жалпы тарыхы, маданияты, тили жана руханий баалуулуктары байланыштырып тураарын кошумчалады.
