Аскердик булактардын маалыматы боюнча, Израиль армиясы Газанын түштүгүндөгү Рафах шаарында эки палестиналыкты өлтүрүп, октябрь айынан бери күчүндө турган ок атышууну токтотуу келишимин дагы бир жолу бузду.
Израиль армиясы Рафахтын батышына танк жөнөткөнүн, ал жерде ок атып, абадан сокку урганын билдирди.
Еврей тилинде чыгуучу «Israel Hayom» гезити кагылышуу учурунда Израилдин эки аскери жеңил жаракат алганын кабарлады.
Палестина каршылык көрсөтүү тобу ХАМАС Израилдин чабуулдарын ок атышууну токтотуу келишимин «ачк түрдө бузуу» деп айыптады.
Хамас ортомчулар жана кепил өлкөлөрдөн да “Израилдин кайталанган эреже бузууларын” айыптоону талап кылып, Беньямин Нетаньяхуну «жалган жана ойдон чыгарылган шылтоолор» менен чабуулдарды башкарууда деп айыптады.
Ошондой эле ХАМАС ок атышууну токтотуу шарттарын сактоону, Рафах чек ара бекетин эки тараптан тең кайра ачууну, гуманитардык жардамдарды киргизүүгө уруксат берүүнү жана келишимдин экинчи этабын дароо ишке ашырууну талап кылды.
Ок атууну токтотуу боюнча сүйлөшүүлөр
Ошол эле учурда ХАМАС делегациясы ок атышууну токтотуунун кийинки этабы боюнча сүйлөшүүлөрдү жүргүзүү үчүн Египеттин борбору Каирге барды.
ХАМАС берген билдирүүсүндө делегацияны Газадагы кыймылдын лидери Халил аль-Хайянын жетектегенин билдирди.
Билдирүүдө сүйлөшүүлөрдүн ок атышууну токтотууну ишке ашырууну аяктоого; биринчи фазанын бүтпөй калган кадамдарын чечүүгө жана Газа менен Египеттин ортосундагы Рафах чек ара бекетин эки багытта тең кайра ачууга багытталаары айтылган.
ХАМАС ошондой эле административдик комитет түзүү жана Израилдин Газадан толугу менен чыгып кетишин камсыз кылуу сыяктуу маселелерди камтыган келишимдин экинчи этабына өтүүнү ылдамдатуунун да такууланарын билдирди.
Израиль 2023 - жылдын октябрь айынан бери Газадагы геноцидинде көпчүлүгү аялдар менен бадар болгон 71 000ден ашуун палестиналыкты өлтүрдү. Блокададагы аймактын чоң бөлүгүн урандыга айландырган Израиль бардык тургундарды жер которууга мажбурлады.
