ДҮЙНӨ
2 мүнөт окуу
Трамп ядролук курал менен Иранга чабуул жасоону четке какты
АКШнын президенти Дональд Трамп Иранга каршы ядролук курал колдонбоону билдирди, АКШ Иранды "өтө салттуу жол менен жоюп салды" деп айтты.
Трамп ядролук курал менен Иранга чабуул жасоону четке какты
Трамп АКШ Ормуз кысыгын "толук көзөмөлдө" экенин, сүйлөшүүлөр чечилгенге чейин аны жабык кармашканын билдирди. / Reuters

АКШнын президенти Дональд Трамп Иранга ядролук чабуул коюу мүмкүнчүлүгүн четке кагып, Ирандын эки жумалык ок ​​атышууну токтотуу учурунда ядролук куралды кайрадан толуктап алышы мүмкүн экенин айтты.

Бейшемби күнү Ак үйдө кабарчынын суроосуна жооп берген Трамп: «Жок! Иранды өзөктүк куралсыз эле толугу менен жок кылуу мүмкүнчүлүгүбүз бар туруп, аны эмнеге колдонушум керек? Эч кимдин ядролук курал колдонусуна уруксат берилбеши керек», — деди.

Трамп ошондой эле Иран эки жумалык ок ​​атышууну токтотуу учурунда "бир аз" кайрадан толуктап алышы мүмкүн экенин айтып, АКШнын муну ылдам эле нейтралдаштыра аларын кошумчалап: "Алардын деңиз флоту, аба күчтөрү, абадан коргонуу системасы жок болду... балким, алар эки жумалык тыныгуу учурунда бир аз кайрадан толуктап адышы мүмкүн бирок ошондой болсо да биз аны бир күндө жок кылабыз", - деди.

Трамп: "Мен эң жакшы келишим түзүүнү каалайм. Азыркы учурда келишим түзө алам, бирок мен муну каалабайм. Келишимдин туруктуу болушун каалаймын",- деди.

Трамп 7-апрелде Иранга "бүтүндөй цивилизация бүгүн кечинде жок кылынат жана эч качан калыбына келтирилбейт" деп коркуткан, бирок бир нече сааттын ичинде АКШ менен Израиль баштаган согушта ок атышууну токтотууга макул болгон. Ошондон бери Трамп ок атышууну узартууну улантууда.

Ормуз кысыгы

Трамп ошондой эле АКШнын Ормуз кысыгын "толук көзөмөлдөй" турганын жана сүйлөшүүлөр аяктаганга чейин аны жабык кармап тураарын билдирди.

Трамп Ормуз кысыгы тууралуу: “Бизге келишип кысыкты ачууга макул экендерин билдиришти. Менден башка баары кубанды. Күтө тургула, кысыкты ачы турган болсок бул алардын күнүнө 500 миллион доллар киреше табат деген мааниге келет. Бул иш чечилгенге чейин мен алардын күнүнө 500 миллион доллар киреше алашын каалабаймын. Ошондуктан жабык кармакп турам”,- деди.

Күйүүчү майдын баасына токтолгон Трамп, америкалыктардын "бир аз убакытка чейин" жогорулаган бааларды төлөөгө туура келерин баса белгиледи.

АКШ менен Израилдин Иранга каршы согушу дүйнө жүзү боюнча энергия ресурстарынын кымбатташына алып келди.

АКШ менен Израилдин Иранга каршы согушу дүйнө жүзүндө энергетика бааларын көтөрдү.

Трамп журналисттерге: «Бир шаарыбызды же бүтүндөй Жакынкы Чыгышты жок кыла турган ядролук куралы жок Иранды көргүм келет», — деди.

Иран өзөктүк куралга ээ болуу максаты жок экенин четке кагууда, БУУнун ядролук энергия боюнча агенттиги да согуштан мурун атомдук бомбанын жакынкы максат эмес экенин билдирүүдө.

Белгилей кетсек, дүйнө тарыхында согуштук максатта ядролук курал колдонгон бир гана өлкө — АКШ. Экинчи дүйнөлүк согуштун акырында Япониянын Хиросима жана Нагасаки шаарларына ташталган бомбалардан болжол менен 214 000 адам каза болгон.

Ал эми АКШнын союздашы болгон Израилдин ядролук куралга ээ экени дүйнөгө кеңири белгилүү болсо да Израиль бул абалды ачык моюнга ала элек.

Иликте
Зеленский Россиянын бүгүнкү күнгө чейинки эң ири туткун алмашууну бекиткенин билдирди
Түрк министри COP31де эскертти: "Мөңгүлөрдүн жоголушу дүйнөлүк суу ресурстарына коркунуч келтирет"
Судандын Дарфур аймагында үч күндүн ичинде 5 275 адам жер которууга аргасыз болду
АКШнын президенти Трамптын атайын өкүлдөрү Москвада орус лидери Путин менен жолугушту
Израиль: "CENTCOM армияга Иранга каршы жаңы чабуул ыктымалдуулугуна даяр болуу билдирүүсүн жөнөттү"
Малатияда S-70 үлгүсүндөгү тик учак кырсыкка учурап, төрт аскер шейит болду
Кызыл Чырым: "Газадагы жер которгон үй-бүлөлөр катуу суукка туш болууда"
Түркиянын А улуттук баскетбол командасы Черногорияны 79-62 эсебинде жеңди
Ок атышпоого карабастан Израилдин Газага жасаган чабуулдарынан акыркы 24 саатта 8 адам каза болду
Президент Эрдоган БУУнун Башкы катчысы Гутеррешти кабыл алды
БУУнун Башкы катчысы Гутерриш Түркиянын COP 31ди уюштурганын мактады
Түркия жашыл жана санариптик өтүүнү тездетүү үчүн Жашыл келишим боюнча иш-аракеттер планын жаңылады
Түркия менен Өзбекстан айлана-чөйрөнү коргоо боюнча өз ара түшүнүшүү меморандумуна кол коюшту
ASELSAN бардык энергетикалык муктаждыктарын күн энергиясынан канааттандырат
Эл аралык катышуучулар COP31де Ататүрктү бир мүнөттүк унчукпай туруу менен эскеришти