Казакстандын Соода жана интеграция министри Арман Шаккалиев Министрлер кабинетинин жумалык жыйынынан кийин журналисттерге билдирүү жасап, акыркы учурда Орусия-Украина согушунун алкагында учкучсуз учуучу аппараттардын чабуулдарына байланыштуу күн тартибине келген Wildberries компаниясынын өлкөдөгү ишмердүүлүгүнө баа берди.
Wildberries учурда Казакстанда болжол менен 46 миң чарчы метрлик кампа аянтын ижарага алып жатканын белгилеген Шаккалиев, компания тарабынан министрликке кошумча кампа аянттарын түзүү боюнча жаңы кайрылуу түшпөгөнүн, бирок компаниянын өлкөдө логистикалык борборлорду куруу пландары өзгөрбөгөнүн билдирди.
Шаккалиев Wildberries 2027-жылдын биринчи чейрегинде болжол менен 260 миң чарчы метрлик жаңы кампа аянтын пайдаланууга берүүнү пландап жатканын кабарлады. Маалыматка караганда, жаңы кампалардын 160 миң чарчы метри борбор шаар Астанада, ал эми 100 миң чарчы метри Алматы шаарында курулмакчы.
