Президент Режеп Таййип Эрдоган чечкиндүү сөз сүйлөөсүндө палестиналыктарга чексиз колдоосун убада кылды жана Израилдин Газага кол салуусун айыптады.

Шаршемби күнү Анкарада Тышкы иштер министрлигинин жаңы имаратынын пайдубалын түптөө аземинде сүйлөгөн сөзүндө Эрдоган: «Уруксатсыз колдордун Кудсту булгашына жол бербейбиз. Гитлерге окшогон адамдардын азабы эч качан өтпөсүн билем. Биз мусулмандар катары Чыгыш Кудс боюнча укуктарыбыздан бир кадам да артка чегинбейбиз»,-деди.

Президент Эрдоган: «Зулум, геноцид жана бейкүнөө балдардын эсебинен өзүнө коопсуз келечек курабыз деп ойлогондор тарыхта көптөгөн башка адамдар сыяктуу сөзсүз утулуп, төгүлгөн канга өздөрү чөгүшөт, мындан качып кутула алышпайт»,-деди.

Эрдоган Түркиянын «Сириядан Йеменге, Ливандан Катарга чейин израилдик бандитизмдин бутасындагы бардык адамдар менен толук тилектештикте болууну уланта турганын» баса белгилеп, Анкаранын Газа маселесине карата берилгендигин билдирди.

Президент: «Израилдин ырайымсыз кол салуулары астында аман калуу үчүн күрөшүп жаткан Газанын эзилген калкынын жанында туруубузга эч ким тоскоол боло албайт»,-деди.

Эрдоган: «Чыңалууларды жаратып аймагыбызды кан деңизине айлантууну каалагандарга каршы тарыхтан бери болгонубуздай эле бүгүн да, эртең да бекем турабыз»,-деди.