Атактуулар Палестина үчүн чоң каражат чогултуу концертине карата видео кайрылуу жасашты. Бул иш-чара шаршемби күнү Лондондогу Уэмбли стадионунда өттү.
“Палестина үчүн биримдик” деп аталган видеодо Билли Айлиш, Киллиан Мёрфи, Хоакин Феникс жана Хавьер Бардем палестиналыктарды колдоого чакырышты.
ТОп видеодо :“Бул өлкөнүн лидерлеринин Газа жана Батыш Шериадагы жарандардын массалык өлтүрүлүшүнө аралашканын билебиз”, – деп көбүрөөк маалымдуулук жана тилектештикке чакырышты.
Концерт Газа кризисинин алдыңкы саптарында турган палестиналык уюмдарга, анын ичинде Taawon (Жакшылык Ассоциациясы), Палестиналык Балдарга Жардам Фонду (PCRF) жана Палестинанын Медициналык Жардам Коому (PMRS) үчүн миллиондогон доллар чогултууну максат кылууда.
Музыка аткаруулары менен бирге белгилүү адамдардын, дарыгерлердин, журналисттердин, жардам кызматкерлеринин жана Газа шаарында эмгектенгендердин сөз сүйлөөсү орун алган бул иш-чара YouTube аркылуу түз эфирде көрсөтүлөт.
Флоренс Пью, Халид Абдалла, Бенедикт Камбербэтч жана БУУнун Палестина аймактары боюнча атайын баяндамачысы Франческа Альбанезенин да катышары күтүлүүдө.
Уюштуруучулар иш-чаранын максаты каражат чогултуу гана эмес, палестиналыктардын үнүн дүйнөгө жеткирүү экенин белгилешти.“Бул эң оор шарттарда адамдардын өмүрүн сактап калууга аракет кылып жаткан адамдарды колдоо жана дүйнөнүн буга көз жумушуна уруксат бербөө үчүн”, – деди уюштуруучулардын бири.
Газа 2023-жылдын октябрь айынан бери күчөгөн бомбалоо жана блокадага туш болуп, гуманитардык уюмдар азык-түлүк, дары-дармек жана электр энергиясынын катуу тартыштыгы тууралуу эскертишүүдө.
Жардам уюмдары абалды катастрофалык деп мүнөздөп, оорукана кызматкерлеринин оор шарттарда иштеп жатканын билдиришти.
Эл аралык өнөрпоздор жана коомдук ишмерлер согушка каршы чыгып, көпчүлүгү тез арада ок атышууну токтотууга жана палестиналыктарга карата коллективдүү жазалоону токтотууга чакырышууда.
Шаршемби күнкү иш-чара Европадагы Палестинага жардам көрсөтүү боюнча эң ири маданий жыйындардын бири болуп, гуманитардык кризистерге көңүл бурууда искусство жана атактуулардын активдүүлүгүнүн маанисин көрсөтөт.
