Сирия Президенттигинин билдирүүсүнө ылайык, АКШнын президенти Дональд Трамп менен Сириянын президенти Ахмед Шара телефон аркылуу сүйлөшүштү. Сүйлөшүүнүн жүрүшүндө эки лидер Сириянын калыбына келүү жана кайрадан курулуу аракеттери, ошондой эле аймактык туруктуулукту колдоо темаларын талкуулашты.

Сирия Президенттигинин билдирүүсүнө караганда, Шара Трампка Сирияга киргизилген санкциялардын алып салынышы өлкөнүн экономикасын калыбына келтирүү жана кайрадан курулуусун камсыз кылууда фундаменталдуу кадам болорун айтты.

Билдирүүдө Трамптын болсо туруктуулукту сактоонун, Сириянын калыбына келүү жана кайра куруу аракеттерине колдоо көрсөтүүнүн маанилүүлүгүнө басым жасаганы айтылды.

Билдирүүгө ылайык, АКШнын президенти ошондой эле аймактык коопсуздукту жана тынчтыкты чыңдоо, аймактагы чыңалуунун андан ары күчөшүнө жол бербөө үчүн дипломатияга жана диалогго артыкчылык берүү зарылдыгын баса белгиледи.