NBC News маалыматына ылайык, АКШ президенти Дональд Трамп бейшемби күнү азыр АКШнын кургактык бөлүктөрүн Иранга жөнөтүүнү ойлонуу "убакытты текке кетирүү" болорун айтты, бирок Ирандын тышкы иштер министринин мындай кадамдын баскынчылар үчүн апаат болору жөнүндөгү эскертүүсүнө көңүл бурган жок.
NBC каналына телефон аркылуу байланышкан Трамп: "Бул убакытты текке кетирүү гана болот. Алар баарын жоготушту. Деңиз флотун жоготушту. Жогото турган нерселеринин баарын жоготушту", — деп билдирди. Ал Ирандын тышкы иштер министри Аббас Аракчинин Ирандын АКШ же Израилдин кургактыктагы чабуулуна даяр экендиги тууралуу сөздөрүн ""куру сөз" деп четке какты.
Трамп ошондой эле Ирандын башкаруу түзүмүнүн жок кылынышын кааларын кыйытып: "Биз тез арада ичкери кирип, баарын тазалагыбыз келет", — деди.
"Биз өлкөнү он жылда кайра кура турган бирөөнү каалабайбыз", — деп кошумчалаган Трамп, жаңы лидер боюнча пландары бар экенин бирок аттарын атагандан баш тартканын билдирди.
Ишемби күнү башталган кагылышууларда АКШ жана Израилдин соккуларынан улам диний лидер Али Хаменеи каза болгондон кийин, Трамп Ирандын кийинки лидерин дайындоого "кийлигишүүгө туура келерин" буга чейин белгилеген.
Жума күнү Тегеранда катуу чабуулдар болгону кабарланды. Бул Израилдин Иранга каршы АКШ менен бирге баштаган согуштун "жаңы этабынын" алкагында "режимдин инфраструктурасына" сокку уруп жатканын жарыялагандан кийин болду.
Трамп Мужтаба Хаменеиге каршы!
АКШ президенти бейшемби күнү эртең менен Ирандын кийинки лидерин тандоодо жеке чечим чыгаруу укугуна ээ болууну күтөрүн билдирип, бул абалды Венесуэлада Мадуродон кийинки лидерди тандоодогу ролуна окшоштурду.
Трамп Axios басылмасына берген маегинде: "Венесуэладагы Делси (Родригес) менен болгондой эле, бул дайындоого да кийлигишүүгө туура келет", — деген оюн айтты. Ошол эле учурда өлтүрүлгөн Али Хаменеинин ордун басуучу негизги талапкерлердин бири катары эсептелген анын уулу Мужтаба Хаменеини "маанилүү адам" деп мүнөздөдү.
Трамп маркум диний лидердин саясатын уланта турган мураскерди кабыл албай турганын ачык айтып, мындай жагдай АКШны "беш жылдын ичинде" кайрадан согушка жетелеши мүмкүн экенин эскертти.
Хаменеи өлтүрүлгөндөн кийин Иран өзүнүн жаңы диний лидерин жарыялай элек.
Расмий мамлекеттик кызматты болбогонуна карабастан, Мужтаба Хаменеи жалпысынан Хаменеинин балдарынын эң таасирдүүсү катары каралууда жана 2019-жылы АКШнын Каржы министрлигинин санкциялар тизмесине калынган. Ошондой эле, ал 2009-жылдагы Ирандагы талаштуу шайлоодон кийин нааразычылык акцияларын басуу үчүн колдонулган Басиж күчтөрү менен байланышы бар экендиги белгиленүүдө.
Ирандын Конституциясына ылайык, мураскерди тандоо милдети 88 мүчөдөн турган Эксперттер кеңешине жүктөлгөн; бул процесстин жүрүшүндө лидерлик милдеттерди убактылуу кеңеш аткарат.
