Түркиянын коммуникация башкармалыгынын жума күнү берген маалыматына караганда президенти Режеп Таййип Эрдоган Россиянын президенти Владимир Путин менен болгон сүйлөшүүсүндө уланып жаткан Россия-Украина согушун токтотуу боюнча тынчтык сүйлөшүүлөрүнө "жакындан" көз салып жатканын жана Анкаранын бул сүйлөшүүлөрдү өткөрө аларын айтты.
Эрдоган менен Путин Түркмөнстандын борбору Ашхабаддагы Эл аралык «Тынчтык жана Ишеним» форумунун алкагында жолугушушту. Эки тараптуу карым - катнаштарды жана Россия - Украина согушуна байланыштуу кеңири тынчтык аракеттерин талкуулашты.
Президент Эрдоганды тышкы иштер министри Хакан Фидан, энергетика жана жаратылыш ресурстары министри Алпарслан Байрактар, Улуттук чалгындоо уюмунун (MIT) башчысы Ибрахим Калын, коммуникация башкармлыгынын төрагасы Бурханеттин Дуран, тышкы саясат жана коопсуздук боюнча башкы кеңешчи Акиф Чагатай Кылыч жана АК партиясынын төрага орун басары Халит Йеребакан баштаган президенттик делегация коштоду.
Эрдоган согуштун "адилеттүү жана туруктуу тынчтык" менен аякташына багытталган аракеттердин баалуу экенин белгилеп, эки тарап үчүн тең практикалык пайда алып келе турган багыттар боюнча ийгиликтерге жетишүүгө болорун айтты.
Президенттик аппараттын коммуникация башкармалыгынын маалыматы боюнча, президент Эрдоган Анкара согушту токтотууга багытталган сүйлөшүү процессин "изилдеп" жатканын жана "бул алкакта каалаган форматта сүйлөшүүлөрдү өткөрүүгө даяр" экендигин кайталады.
“Тынчтык жана коопсуздук: Туруктуу келечек үчүн максаттардын биримдиги" деп аталган форум глобалдык тынчтык демилгелерин бекемдөөгө багытталган жогорку деңгээлдеги пикир алмашуулар үчүн платформа кызматын аткарды.
Путин форумда сүйлөгөн сөзүндө мамлекеттер аралык карым - катнаштардын Бириккен Улуттар Уюмунун Уставынын принциптерине ылайыкташтыруунун маанисин баса белгилеп, Түркмөнстандын тең салмактуу тышкы саясатын жана аймактык туруктуулукка кошкон салымына жогору баа берди.
Эки лидер Палестина жана Сириядагы кырдаалды, Түштүк Кавказдагы тынчтык процессин талкуулашты.
Эрдогандын сапары өзгөчө Түркмөнстандын президенти Сердар Бердымухамедов жана башка аймактык расмий адамдар менен жолугушууларды өткөрүп, Анкаранын форум учурундагы кеңири дипломатиялык байланыштарын ортого салды.
