Европалагы Батыш Фракия Түрк федерациясынын (ABTTF) жазуу жүзүндөгү билдирүүсүндө 1999-жылы Мармара жер титирөөсүнөн улам жабылган Стамбулдун Бүйүкада аралындагы жеке менчик грек башталгыч мектеби эки жылдык калыбына келтирүү иштеринен кийин кайра ачылганы айтылат.
Билдирүүдө Түркияда Гөкчеададагы грек мектеби 2013-жылы 3 окуучу менен кайра ачылганы, ал эми быйыл Бүйүкададагы дагы бир грек башталгыч мектеби 4 окуучу менен кайра ачылганы белгиленип, Грециядагы түрк азчылык мектептеринин окуучулардын жетишсиздигинен улам жабылышы сынга алынган.
Билдирүүдө 2026-2027-окуу жылында Батыш Фракиядагы дагы сегиз түрк азчылык башталгыч мектеби Грециянын Билим берүү министрлигинин чечими менен жабылганы белгиленип, Лозанна келишими менен кепилденген азчылыктын билим берүү автономиясын сыйлоо талап кылынган.
Билдирүүдө ошондой эле түрк жана грек тилдеринде билим берүүчү эки тилдүү бала бакчаларды ачуу жана Искече (Ксанти) түрк азчылык орто жана жогорку мектеби үчүн жаңы имараттарды бөлүп берүү же куруу өтүнүчтөрү канааттандырылбаганы айтылган.
Билдирүүдө азчылык мектептериндеги мектеп кеңештеринин ыйгарым укуктарынын чектелишине көңүл бурулуп, айрым кеңеш төрагалары жана мүчөлөрүнө өздөрү кызмат өтөгөн мектептерге кирүүгө да тыюу салынганы белгиленген.
Билдирүүдө мындай деп жыйынтыкталган: «Батыш Фракия түрк азчылыгы катары биз өлкөбүздөн артыкчылыктарды эмес, эки тараптуу жана эл аралык келишимдерден келип чыккан укуктарыбыздын толук ишке ашырылышын, билим берүү автономиябызды жана эне тилибизде билим алуу укугубузду сыйлоону талап кылабыз».














