АКШнын мамлекеттик катчысы Марко Рубио ишемби күнү АКШ менен Израилдин Иранга кол салуулары башталгандан бери Жакынкы Чыгыштан дээрлик 9000 америкалыктын качканын билдирди.
АКШнын мамлекеттик катчысы Марко Рубио шейшемби күнү АКШ менен Израилдин Тегеранды бомбалоосу учурунда билдирүү жасады. Президент Дональд Тıрамп төртүнчү күнүнө кирген согушту токтотуу максатында Иран менен сүйлөшүүлөрдү жүргүзүү үчүн эми «өтө кеч» экенин эскертти. Маалыматтарга караганда, согуштун кесепетинен жүздөгөн ирандыктар, анын ичинде 165 бала жана мектеп кызматкерлери, ошондой эле АКШнын алты аскери каза болгону маалымдалды.
Тегеран жооп иретинде учкучсуз учактар (УУА) жана ракеталар менен Перс булуңундагы мунай ишканаларын жана АКШнын дипломатиялык өкүлчүлүктөрүн бутага алды. Израиль болсо Иран колдогон Хизбулла тобу согушка аралашкандан кийин Ливандын ички аймактарына кирип, Хизбулла менен кагылышты.
Рубио журналисттерге берген маалыматында азыркы учурда 1600 амеркалыктын жардам сурап жатканын айтты.
Рубио ошондой эле шейшемби күнү Дубайдагы АКШ консулдугунун жанында дрон чабуулу болгонун ырастап, бардык кызматкерлердин коопсуз экенин айтты. «Тилекке каршы, учкучсуз учак консулдук имаратына жакын унаа токтотуучу жайга кулап, өрт чыкты. Бардык кызматкерлерибиз аман-эсен», — деди.
Демократтар жана айрым республикачыл сенаторлор көбүрөөк маалымат талап кылып жаткандыктан, Дональд Трамптын улуттук коопсуздук боюнча жогорку кеңешчилери Конгресс мүчөлөрүнө АКШ-Израиль союзунун Иранга каршы согушу тууралуу түшүндүрмө берүүгө аракет кылып, Рубио журналисттерге маалымат берди.
Рубио, Коргоо министри Пит Хегсет, ЦРУнун директору Жон Рэтклифф жана Штаб башчыларынын бириккен комитетинин төрагасы, генерал Дэн Кейндин адегенде Сенаттын 100 мүчөсүнө, андан соң Өкүлдөр палатасынын 432 мүчөсүнө брифинг бериши күтүлүүдө.
Учурда республикачылар Сенатта да, Өкүлдөр палатасында да аз айырма менен көпчүлүктү түзүүдө жана Трамптын саясий демилгелерин күчтүү колдошот, бул көбүнчө Ак үй менен Конгрессти бир эле партия көзөмөлдөгөн учурларда байкалат.
Бирок Жакынкы Чыгыштагы согуш партия ичиндеги айрым мүчөлөрдүн демократтар менен кошо президент чет өлкөгө аскер жөнөтүүдөн мурун Конгресстин макулдугун алышы керек деген талаптарды коюусуна себеп болду.
