Сербиянын “Политика” гезитинин маалыматына ылайык, Интерпол босниялык серб лидер Милорад Додик жана Република Српсканын (РС) парламент спикери Ненад Стевандич тууралуу эл аралык камакка алуу буйругун чыгарды.

Интерполдун Сараево кеңсеси тарабынан баштатылган камакка алуу буйруктары Босния - Герцеговинанын Кылмыш-жаза кодексинин 156-беренесинин негизинде конституциялык түзүлүштү бузуу деген айыптоолоруна таянууда. “Политика” гезитинин билдиргенине караганда буйруктар Интерполдун бардык мүчө өлкөлөрүнө таратылды бирок юридикалык изилдөө процесси улантылууда.

Додик кыска убакыт мурда Сербияга барып НАТОнун "Биргелешкен күч операциясынын" 26 жылдыгына арналган иш чарага катышты.

26 - мартта Босния - Герцеговина чек ара полициясы Додиктин активдүү камоо буйругунун бар экенине карабастан Сербияга кантип өткөндүгүн иликтөө иштерин баштады. Бирок Додиктин ошол эле күнү Сербиядан Израилге өткөндүгү билдирилди.