Түркиянын президенти Режеп Таййип Эрдогандын жубайы Эмине Эрдоган: «Түркия тынчтыкка, адилеттикке жана жалпы жыргалчылыкка кеткен жол үй-бүлөдөн өтөрүнө ишенет»,-деди.

Дүйшөмбү күнү Түркиянын NSosyal социалдык медиа платформасынан билдирүү жасаган Эрдоган үй-бүлө коомдун негизги бирдиги гана эмес, туруктуу социалдык, экономикалык жана маданий өнүгүүнүн да негизги элементи экенин белгиледи. Эрдоган бул жумада Нью-Йоркто Бириккен Улуттар Уюмунун Башкы ассамблеясынын иш-чараларынын алкагында Үй-бүлө жана социалдык кызматтар министрлиги тарабынан уюштурулган "Биргеликте үй-бүлөгө негизделген глобалдык тилектештик" программасына катышуудан кубанычтуу экендигин билдирди.

Программа учурунда үй-бүлөнү коргоо жана бекемдөө боюнча "жалпы иш багыттарды" талкуулашкандарын билдирди.

Үй-бүлөнүн баалуулуктарын ташуучу балдарыбыз үчүн эң коопсуз баш калкалоочу жана адамзаттын келечеги экенин баса белгилеген Эрдоган, кризистердин, кагылышуулардын жана кырсыктардын көлөкөсүндө «бизге жол көрсөткөн чындыктын – ынтымактыктын үй-бүлөдөн башталарын" белгиледи.

«Үй-бүлөнү канчалык коргосок, ошончолук адилеттүү, тынч жана бакубат дүйнө кура алабыз», - деп кошумчалады Эрдоган.

Ошондой эле бул багытта айтылган ар бир пикир жана сунуш үй-бүлө институтун коргоо боюнча глобалдуу аракеттерге дем берерине болгон ишенимин билдирди.