Япониянын метеорологиялык агенттиги өлкөнүн батышында күчү 6.2 баллга жеткен катуу жер титирөө болгонун, бирок цунами тууралуу эскертүү жарыяланбаганын кабарлады.

Жер титирөө шейшемби күнү жергиликтүү убакыт боюнча саат 10:18де (GMT 01:18) Симанэ префектурасынын чыгыш бөлүгүндө, болжол менен 10 километр тереңдикте болду.

Азырынча жабыркагандар тууралуу маалымат жок.

Kyodo маалымат агенттигинин бидиргенине караганда, андан кийин болгон күчү аз жер титирөөлөр да катталды.

Chugoku Electric Power Co компаниясынын маалыматы боюнча, алгачкы жер титирөөдөн кийин Мацуэдеги Шимане атомдук электр станциясында эч кандай аномалиялар аныкталган эмес.

Бийлик өкүлдөрү электр энергиясынын үзгүлтүккө учурашынан улам Япониянын батышындагы жогорку ылдамдыктагы поезддердин каттамын токтотту, ошондой эле "Sanyo Shinkansen" линиясынын Окаяма жана Хиросима станцияларынын ортосундагы каттамдар да убактылуу токтотулду.