Министрлик булактарынан алынган маалыматка ылайык, министр Хакан Фидан эртең Болгарияга расмий сапар менен барат.
Фидан сапарынын алкагында Болгария менен стратегиялык багыттар боюнча, биринчи кезекте энергетика, транспорт, байланыш жана коргонуу өнөр жайы боюнча кызматташууну андан ары өнүктүрүү үчүн биргелешкен кадамдарды жана жаңы кызматташтык мүмкүнчүлүктөрүн ар тараптуу талкуулайт.
Фидан Болгариянын Түркия үчүн Европага кургак жол транспортунда негизги ролду ойногонун белгилеп, Түркиядан Болгарияга товарлар менен жүргүнчүлөрдүн тоскоолдуксуз өтүшү тууралуу күтүүлөрүн билдирет. Хакан Фидан Түркиянын Европа Биримдигине (ЕБ) мүчөлүк стратегиялык максаты сыяктуу эле, ЕБ менен болгон мамилелерине байланыштуу артыкчылыктарын жана күтүүлөрүн айтып, бул алкакта Болгариянын колдоосуна чоң маани берерин билдирет.
Россия - Украина согушунун Европанын коопсуздугуна жана Кара деңиз аймагындагы туруктуулукка олуттуу кесепеттерин тийгизүүнү улантып жатканын айта турган Фидан, Түркиянын бул согуштун адилеттүү жана туруктуу чечүүчү жолдун негизинде токтотууга багытталган дипломатиялык аракеттерди колдой турганын кайталайт.
Тышкы иштер министри Фидан Түркия, Болгария жана Румыниянын ортосунда түзүлгөн Кара деңиздеги минадан коргонуу боюнча биргелешкен ыкчам тобунун (MCM Black Sea) аймактагы кемелердин коопсуздугу үчүн маанилүү функцияны аткарып жатканын баса белгилейт.
Министр Фидан Иран менен АКШнын ортосундагы сүйлөшүүлөрдү үзгүлтүксүз улантуунун маанисин баса белгилеп, Израилдин Газа жана Ливанда, Жакынкы Чыгышта туруктуу кагылышуу жана туруксуздук чөйрөсүн түзүү максатын көздөп жаткандыгына көңүлдөрдү бурат.
Министр Фидан акыркы жолу 2024-жылдын 29–30-январында Болгарияга расмий сапар менен барган.
Эки тараптуу карым - катнаштар
Түркия менен Болгариянын ортосундагы кызматташтык жакшы коңшулук жана өнөктөштүк негизинде өнүгүүдө.
Болгариянын эң ири соода өнөктөштөрүнүн бири болгон Түркиянын бул өлкө менен жалпы соода жүгүртүүсүнүн көлөмү 2025-жылы 8,4 миллиард евродон ашты.
Ошондой эле бир миллиондон ашык этникалык түрк жашаган Болгария — Балкан жарым аралында эң көп түрк тектүү калк жашаган өлкө.
