Президент Режеп Таййип Эрдоган жума күнү Орозо айтка карата жарыялаган куттуктоосунда Жакынкы Чыгыштагы акыркы окуялар боюнча тынчсыздануусун билдирип, биримдикке жана тилектештикке басым жасады.
Ризенин Гүнейсу районундагы Борбордук мечитте Орозо айт намазынан кийин сүйлөгөн сөзүндө Эрдоган Рамазан айынын аякташы жана Орозо айттын келиши ислам дүйнөсү үчүн жаңылануу мүмкүнчүлүгү болушу керектигин айтты.
«Он бир айдын султаны болгон куттуу Рамазан айын артта калтырдык жана бүгүн Орозо айт майрамын майрамдап жатабыз. Жараткан Орозо айттын бүткүл ислам ааламы үчүн кутулууга жана кайра жаралууга себепчи кылсын", — деди.
Майрамдын Түркияда биримдикти жана бир туугандыкты бекемдейт деген үмүтүн билдирген Эрдоган Жакынкы Чыгыштагы окуяларга да токтолуп, аймактын «кайнап жатканын» айтты.
Израилге кайрылган Эрдоган: «Бул сионист Израиль жүздөгөн, миңдеген адамдарды кырды», - деди.
Эрдоган сөзүнүн аягында жакшы каалоо-тилектерин айтып: "Жараткан бизге жар болсун. Орозо айт өлкөбүз жана элибиз үчүн ийгиликтерге, жакшылыктарга себепчи болсун", — деген сөздөрү менен жыйынтыктады.
