Түркиянын президенти Режеп Таййип Эрдоган Израилдин Газадагы геноцидин токтото турган бардык пландарды колдоорун билдирди.
Президент Эрдоган Түркиянын түндүк жээгиндеги Ризе шаарында сүйлөгөн сөзүндө : «Газада эки жылдан бери уланып жаткан кыргын жана геноцидди биротоло токтото турган ар кандай долбоорду толугу менен колдойбуз, Газа тилкесинде ок атышпоо келишимине алып баруучу процессте Түркия принципиалдуу жана адилеттүү позицияны көрсөттү»,-деди.
Эрдоган Түркиянын Израил менен Хамастын ортосунда жетишилген жаңы ок атышпоо келишиминин Газа жана Палестинанын башка аймактарында туруктуу тынчтык, бейпилдик жана коопсуздукка алып келерине үмүт артканын билдирди.
Эрдоган: «Палестиналык боордошторубуз, өзгөчө Хамас, тынчтыкка даяр экендиктерин көрсөтүштү»,-деди.
Президент Израилди Газа боюнча кол коюлган ок атышууну токтотуу келишимин сактоого жана аймакка, анын элинин коопсуздугуна коркунуч келтирген агрессивдүү саясатын токтотууга чакырды.
“Эми Израиль өкмөтү бул келишимдин шарттарын аткарышы керек”, - деп баса белгиледи ал.
