Кытайдын жээк коопсуздугу шейшемби күнү Түштүк Кытай деңизинде Кытай менен Филиппин укук талап кылган талаштуу Скарборо жээк аймагына жакын жерде бир Филиппин кемесин атайлап өз кемесине урунуу менен күнөөлөдү.
Жээк коопсуздугу тарабынан берилген маалыматта Кытай Хуанян аралы деп атаган аймактын тегерегиндеги сууларга ар башка багыттардан келген 10дон ашуун Филиппин өкмөтүнн кемесинин киргендиги белгиленди. Билдирүүдө бул кемелрге каршы суу аткычтарынын колдонулгандыгы айтылды.
Филиппин бул маселе боюнча комментарий бере элек болсо да, Манила өкмөтү өткөн аптада Бажо-де-Масинлок деп аталган аймактын корук аянты деп жарыяланышына каршы дипломатиялык нааразычылык билдирерин жарыялаган.
Кытай менен Филиппин Кытайдын дээрлик баары боюнча укук талап кылган Түштүк Кытай деңизиндеги жерлер тууралуу көптөгөн жолу кагылышкан.
Бул эки өлкө стратегиялык жактан маанилүү жана баалуу балык уулоочу жерлерге ээ болгон суулардагы аймакты талап кылган бир нече өлкөнүн экөөсү гана.
Чагымчыл жана коркунучтуу
Кытай жээк коопсуздук кызматы билдирүүсүндө, шейшемби күнкү кагылышуу үчүн Филиппинди айыптап, бул аракеттерди чагымчыл жана коркунучтуу деп мүнөздөдү.
Көптөгөн дос өлкө корук боюнча Филиппинге колдоосун билдирди.
АКШнын мамлекеттик катчысы Марко Рубио Кытайдын аракеттерин : "Коңшуларынын эсебинен Түштүк-Кытай деңизиндеги кеңири масштабдагы аймактык жана деңиздик дооматтарын алдыга жылдыруу үчүн дагы бир мажбурлоочу кадам" деп мүнөздөдү.
Британия жана Австралия социалдык медиа билдирүүлөрүндө бул жарыя тууралуу тынчсыздануусун билдиришти. Канаданын Филиппиндеги элчилиги: "Биз экологияны коргоону талаштуу Скарборо үнүн көзөмөлгө алуу каражаты катары колдонууга каршыбыз",- деди.
