Стамбул ачык деңиз яхта жарыш клубу тарабынан Президенттиктин колдоосу астында, Маданият жана туризм министрлиги,  Жаштар жана спорт министрлигинин салымы менен уюштурулган жарыштарга 14 өлкөдөн келген 500 спортчу Чанаккалеге карай жолго чыкты.

Мустафа Кемал Ататүрктү жана  куралдаш досторун эскерүү үчүн Долмабахчеде бир мүнөттүк эскерүү менен башталып, 3 сааттан ашык убакытка созулган жарыштарда спортчулар шамалга жана татаал жолго каршы стратегия маанилүү болгон күрөштү көрсөтүштү,  Стамбул калкы да 23-Апрель майрамынын алкагында өткөн деңиз үстүндөгү салтанатка күбө болушту.

Улуттук эгемендүүлүк кубогу үчүн ат салышкан командалар Босфор этабын аяктап, Чанаккале багытына карай жолго чыгышты.

Стамбул ачык деңиз яхта жарыш клубунун төрагасы Экрем Йемлихаоглу ар бир этаптын өзүнө тиешелүү руху жана мааниси бар экенин белгилеп, төмөнкүлөргө токтолду: "Балдарыбыздын 23-Апрель Улуттук эгемендүүлүк жана балдар күнүн белгилеп жатабыз. Президенттиктин  7 - Эл аралык яхта жарыштары спорттук уюм гана эмес, ошол эле учурда Түркиянын деңиздеги күчүн дүйнөгө тааныткан престиждүү долбоор болуп саналат. Биздин максатыбыз - бул өзгөчө күндөрдүн рухун деңиздеги күрөшүбүз менен айкалыштыруу, эл аралык сууларда желегибизди сыймыктануу менен желбиретүү жана бул спортту келечек муундарга эң кесипкөйлүк менен өткөрүп берүү."

 Тарыхка таазим жарышы

 Чанаккале жеңишинин 111 жылдыгын белгилөө үчүн уюштурулган Тарыхка тазим жарышында спортчулар Чанаккаленин шамалына каршы сүзүшөт. Жалпысынан 104 деңиз милин түзгөн аралыкта күч сынаша турган командалардын ичинен Чанаккалеге биринчи жеткени «Жээк коопсуздук кубогуна» ээ болот.

Жарыштын катышуучулары 25-апрелде Чанаккале кысыгында  таймашты улантышат. Үч күнгө созула турган  жарыштын жыйынтыгында эң мыкты натыйжа көрсөткөн команда «Жеңиш кубогунун" ээси болот.

Жарыштардын экинчи этабы 19-Майда, үчүнчү этабы 30-Августта, ал эми финалдык этабы болгон Республика Кубогу 29-Октябрда Стамбул кысыгында өтөт.