Россия Түндүк Кореяга түз коммерциялык аба каттамдарын ачты, бул анын Украинага каршы агрессиясын колдогон азиялык өнөктөшү Түндүк Корея менен болгон карым - катнашын бекемдөөнүн белгиси.
Россиянын Nordwind авиакомпаниясынын Москва-Пхеньян багытындагы биринчи каттамы Москванын Шереметьево аэропортунан жекшемби күнү саат 16:25те бортунда 400дөн ашык жүргүнчү менен учту.
Россиянын Транспорт министрлиги суроо-талапты канааттандыруу үчүн айына бир жолу каттам уюштуруларын билдирди.
Россиянын Тышкы иштер министри Сергей Лавров бул айдын башында Түндүк Кореянын лидери Ким Чен Ын менен жолугушуу үчүн Түндүк Кореянын жаңы Вонсан - Калма жээк курортуна барды. Лавров орус туристтерди бул комплекске келүүгө үндөй турганын билдирди.
Бул курорт 20 000ге жакын адамды кабыл ала алат жана Кимдин өлкөнүн экономикасын жандандыруу үчүн туризмди өнүктүрүү аракеттеринин борборунда орун алууда.
Түндүк Корея пандемия учурунда киргизилген чектөөлөрдү акырындык менен жеңилдетип, чек араларын этап-этабы менен ачып жатат. Бирок өлкө эл аралык туризмди толук калыбына келтирүү боюнча расмий билдирүү жасай элек.
Европа Биримдигинин орус каттамдарына тыюу салганга чейин орус туристтерди Европанын эс алуу жерлерине алып барган Nordwind s авиакомпаниясы билет бааларын 570 доллар деп белгилеген.
Nordwind Airlines авиакомпаниясы, мурун Европадагы эс алуу жайларына орусиялыктарды ташып келген, бирок Евробиримдик Орусиянын учактарына тыюу салгандан кийин, билет баасын 45,000 рубль (570 доллар) деп белгиледи.
Атын атагысы келбеген Nordwind кызматкери Олег аэропортто AFPге берген маегинде: "Бул биздин элдердин ортосундагы байланышты бекемдеген тарыхый окуя", - деди."
Россиянын транспорт министринин орун басары Владимир Потешкин министрликтин Telegram аккаунтунан : "Дипломатиялык карым - катнаштарыбыздын 70 жылдан ашык тарыхында биринчи жолу өлкөлөрүбүздүн борбор шаарларынын ортосунда түздөн - түз каттамдарды баштап жатабыз”,- деп билдирди.
Россиянын мамлекеттик маалымат агенттиги ТАСС Пхеньяндан Москвага биринчи кайтып каттамынын шейшемби күнү ишке ашарын билдирди.
Россия менен Түндүк Корея 2020-жылы COVID-19 пандемиясы учурунда токтотулган поезд каттамдарын 17-июндан тарта калыбына келтиришти.
Акыркы жылдары эки өлкөнүн аскердик карым - катнаштарды бекемдеп, Пхеньяндын Россиянын Украинадагы аскердик операциялары үчүн аскер жана курал-жарак менен камсыз кылганы кабарланууда.
Россиянын президенти Владимир Путин былтыркы жылы Түндүк Кореяга барганда эки өлкө өз ара коргонуу келишимине кол коюшкан.
Түндүк Корея апрель айында орус аскерлери менен катар өз аскерлеринин бир бөлүгүн Украинадагы фронтко биринчи жолу жайгаштырганын ырастады.
