Армениянын экономика министрлигинин басма сөз катчысы Лилит Шабоян бейшемби күнү мамлекеттик Armenpress маалымат агенттигинин суроосуна жооп берип, жөнөтүүнү ырастады, бирок кошумча маалымат берген жок.
Бул ырастоо шаршемби күнү Trend маалымат агенттиги да болгон Азербайжан маалымат каражаттары кийинки жүктүн 8-январда жөнөтүлөрүн кабарлагандан кийин болду.
Маалыматтарга ылайык, жөнөтүү Гуздак темир жол станциясынан жана Баку жүк ташуучу станциясынан жөнөтүлөт жана 1000 тонна RON 92 бензинин, 1000 тонна дизелдик отун менен 1800 тонна RON 95 бензинин камтыйт.
Биринчи экономикалык операция
Азербайжан декабрь айында Арменияга биринчи жолу жергиликтүү өндүрүштөгү мунай продуктуларын жеткирди.
Армениянын экономика министри Геворг Папоян Facebook баракчасына: "Балким, бул эки өлкөнүн ортосунда тынчтык орногондон кийин эле эмес, жалпысынан көз карандысыздыктан кийин да Армения менен Азербайжандын ортосундагы биринчи соода-экономикалык операция",- деп жазган.
Түштүк Кавказдын эки коңшусу 2025-жылдын август айында Ак үйдө АКШнын президенти Дональд Трамптын катышуусунда ондогон жылдардан бери келе жаткан чыр-чатакты, согуштук аракеттерди токтотууга, транспорттук каттамдарды кайра ачууга жана карым - катнаштарды нормалдаштыруу убадаларынкамтыган бир билдирүүгө кол коюшту.
