Ливан парламенти өлкөдө өлүм жазасын толугу менен жокко чыгарган мыйзам долбоорун бекитти.
Ливандын расмий агенттиги NNA билдиргендей, парламент өлүм жазасынын алып салынышын жана аны өмүр бою эркинен ажыратуу менен алмаштырууну көздөгөн мыйзам долбоорун кабыл алды.
СУНУШТАЛАТ
Юстиция министри Адель Нассар мыйзамдын кабыл алынышын "тарыхый кадам" деп атап, өлүм жазасын алып салуу "кылмыштуулукка жол берилет дегенди билдирбейт" деп баса белгиледи.
Өлкөдөгү акыркы өлүм жазасы 2004-жылы мурдагы президент Эмиль Лахуддун тушунда аткарылган. Билим берүү министрлигинде иштеген мамлекеттик кызматкер мектеп директору тарабынан өргүү өтүнүчү четке кагылгандан кийинки жеке чыр-чатактан соң 11 кесиптешин өлтүргөн деп күнөөлөнүп, өлүм жазасына тартылган.
