Президент Жапаров АКШнын Нью-Йорк шаарында Бириккен Улуттар Уюмунун (БУУ) Башкы ассамблеясынын 80-сессиясында сөз сүйлөдү.
Газада бүткүл дүйнөнүн көз алдында болуп жаткан гуманитардык трагедияга көңүл бурулбай калбашы керектигин белгилеген Жапаров : «Палестиналыктарга каршы геноцид токтотулуп, Эл аралык Адилет Соту тарабынан соттук териштирүү башталышы керек»,-деди.
Жапаров 2023-жылдын 7-октябрындагы окуяны кайрадан айыптап, терроризмге каршы күрөштүн өзүнүн уникалдуу ыкмалары жана процедуралары бар экенин айтып, эмне үчүн карапайым адамдардын жана бейкүнөө балдардын өлүмүнө жол берилип жатканын түшүнбөй турганын билдирди.
Жапаров 1967-жылдагы чек араларга негизделген эки мамлекеттүү чечимдин ишке ашырылышы керектигин, Палестина элинин укуктарынын корголушу керектигин, Газа тилкесиндеги адамкерчиликсиз кагылышуулардын натыйжасында чоң жоготууга учураган Палестина элинин азаптарын бөлүшүү керектигин белгиледи.
Жапаров ошондой эле Катар жана Иран аймагын бутага алган акыркы ракеталык кол салууларды да айыптап: «Мындай кол салуулар көз карандысыз мамлекеттердин эгемендигине шек келтирет, аймактык ырааттуулук жана коопсуздукка коркунуч туудурат жана эл аралык укукка каршы келет»,-деди.
