Орусия бейшемби күнү Украинаны “Түрк агымы” жаратылыш газы кууруна туташкан негизги объект болгон Русская компрессордук станциясына дагы бир дрон чабуулун жасады деп айыптады.

Орусиянын энергетикалык гиганты Газпром чабуулга ийгиликтүү жооп кайтарылганын жана объект кадимкидей иштеп жатканын айтты.

Билдирүүдө: "Бүгүн кечинде, саат 00:40тан 01:00гө чейин (21:40тан 22:00гө чейин) “Түрк агымы” жаратылыш газы кууру аркылуу экспорттолгон газ жеткирүүнүн ишенимдүүлүгүн камсыз кылган Русская компрессордук станциясына үч канаттуу дрон кол салды", - деп айтылды.

Компания Орусиянын Коргоо министрлигинин жана мобилдик оперативдик топтордун биргелешкен аракеттери менен чабуулга жооп кайтарылганын жана Газпромдун объектисине келтирилген зыяндын алдын алынганын билдирди.

“Түрк агымы” кууру Түркияга жана Европага жаратылыш газын ташыйт

Орусия Кара деңиздин түбүнөн өткөн эки түтүк аркылуу Түркияга жаратылыш газын жеткирет.

2003-жылдын башында ишке кирген "Көгүлтүр агым" түтүгүнүн жылдык кубаттуулугу 16 миллиард куба метрди, ал эми узундугу болжол менен 1213 километрди түзөт.

Бир түтүк түздөн-түз түрк керектөөчүлөрүнө жаратылыш газын жеткирет, экинчиси болсо Түштүк жана Түштүк-Чыгыш Европа өлкөлөрүнө жаратылыш газын ташыйт.

Жалпы кубаттуулугу 31,5 миллиард куба метр болгон “Түрк агымы” кууру 2020-жылдын январь айында ишке киргизилген.

Украина аркылуу транзит аяктагандан кийин “Түрк агымы” орусиялык жаратылыш газын Европага жеткирүүчү жалгыз активдүү жол бойдон калууда.

Анапа шаарынын жанында курулган "Русская" компрессордук станциясы Түрк агымынын баштапкы чекити болуп саналат.