Президент Режеп Таййип Эрдоган Түркиянын быйылкы жылга карата жалпы орнотулган кубаттуулуктун ичиндеги кайра жаралуучу энергиянын үлүшүн 60 пайыздан ашык деңгээлге көтөргөндүгүн билдирди.
«Кайра жаралуучу энергиянын үлүшүн көбөйтүп, энергиянын натыйжалуулугун жакшыртуу менен бирге, өнөр жайда аз көмүртектүү технологияларды кеңейтип жатабыз. Быйылкы жылга карата кайра жаралуучу энергиянын жалпы орнотулган кубаттуулуктагы үлүшүн 60 пайыздан ашык деңгээлге жеткирдик», – деди президент Режеп ТаййипЭрдоган Нью-Йоркто өткөн БУУнун Климаттык саммитинде.
Президент инфраструктураны чыңдоо аракеттерине токтолуп, электр унааларын өндүрүү жана темир жол тармагына инвестиция салуу иштерине көңүлдөрдү бурду.
«2053-жылга карата таза нөл эмиссия максатыбызга ылайык, негизги секторлорду өзгөртүүнү улантабыз», – деп кошумчалады.
Эрдоган Түркиянын учурдагы демилгелерин, анын ичинде эмиссиялар менен соода жүргүзүү системасын түзүү, жашыл каржылоо стратегиясын ишке ашыруу жана улуттук жашыл таксономияны түзүү пландары тууралуу кенен билдирди.
Эрдоган :«Экономикада ишке ашырылуучу саясаттар аркылуу биз 2035-жылга чейин эмиссияны 466 миллион тоннага кыскартууну жана эмиссияны 643 миллион тоннага түшүрүүнү көздөп жатабыз», – деди.
Президент Түркиянын 2026-жылы COP31 саммитин өткөрүүнү максат кылгандарын да билдирди.
