Германиянын канцлери: АКШ эрежелерге негизделген түзүмдөн алыстап баратат
Германиянын канцлери Фридрих Мерц Вашингтондун "качпаган" жана "өзүн кемсинтпеген" союздаштарга сый көрсөтөрүн белгилеп, Европа өз күчүн көрсөтүшү керектигин билдирди.
Германиянын канцлери Фридрих Мерц жума күнкү билдирүүсүндө АКШнын эрежелерге негизделген эл аралык тартипке таянган эл аралык тартиптен; күч жана улуттук кызыкчылыктарга таянган саясатка ооп баратканын айтып Европаны өзүн көрсөтүүгө чакырды.
Мерц Хеддесхаймда өткөн Христиан-демократиялык биримдиктин (ХДБ) иш-чарасында сүйлөгөн сөзүндө : "Биз дүйнөдөгү эң маанилүү өнөктөшүбүздүн - жана ал дагы эле АКШ - эрежелерге негизделген тартиптен четтеп баратканын көрүп жатабыз", - деп эл аралык укукка кайрылуунун ордуна, АКШ саясатынын «толугу менен күчкө жана кызыкчылыктарга негизделген саясатка» карай багыт алганын кошумчалады.
Канцлер Европанын "башын кумга көмүү" же геосаясий бурчта жашоого аракет кылуу мүмкүнчүлүгү жок экенин баса белгилеп, мындай стратегиянын ишке ашпай турганын билдирди.
Президент Дональд Трамп мезгилиндеги трансатлантикалык динамикага токтолгон Мерц администрация өз багытында ишенимдүү болууну уланта турган болсо сындоолордун пайдасыз болорун айтып, буларды кошумчалады: "Бирок (америкалыктар) биз өзүбүздү басынтсак, чегинсек, бизге карабайт; алар бизди Европада биз менен бир тилде сүйлөгөн союздаш өнөктөштөрүбүз болгондо гана сыйлашат".