Президент Дональд Трамп жекшемби күнү берген билдирүүсүндө үчүнчү мөөнөткө президенттик үчүн жолдорду издеп жатканын жана мунун тамаша эмес экендигин айтты. Бул анын 2029-жылы экинчи мөөнөтү аяктагандан кийин кызматта калуу үчүн конституциялык тоскоолдуктарды жеңүү үчүн эң ачык белгиси болду.

"Мунун жолдору бар",- деди Трамп NBC News телеканалына телефон аркылуу берген маегинде.

Ошондой эле ал: “Бул тууралуу ойлонууга азырынча эрте,” – деп кошумчалады.

1951-жылы Конституцияга киргизилген 22-өзгөртүүдө: “Эч ким эки жолудан ашык президенттик кызматка шайлана албайт,” – деп жазылган. Бул өзгөртүү Франклин Д. Рузвельт төрт жолу катары менен президент болуп шайлангандан кийин кабыл алынган.

NBCнин кабарчысы Кристен Уэлкер Трамптан үчүнчү мөөнөткө жетүүнүн бир жолу катары вице-президент Ж.Д. Вэнсти президенттикке көрсөтүп, андан кийин “башкарууну өткөрүп алуу” мүмкүнчүлүгүн сурады.

“Ооба, бул да бир жол,” – деп жооп берген Трамп : “Бирок башка жолдор да бар. Башкалары да бар”,- деди.

Уэлкер:“Башка жолдор тууралуу айтып бере аласызбы?” – деп сурады. Трамп :“Жок,” – деп жооп берди.

Трамп буга чейин да үчүнчү мөөнөткө президенттик тууралуу кээ кээде тамашалуу билдирүүлөрдү жасаган.

Январь айында: “Кайрадан талапкер болуума уруксат барбы?”,- деп сурап, бул теманы күн тартибине алып келген.