Президент Режеп Таййип Эрдоган Азербайжандын президенти Илхам Алиев менен өткөргөн жолугушуусунда Түркиянын Баку менен Еревандын ортосунда ыктымалдуу тынчтык сүйлөшүүсүнүн Азербайжандын мыйзамдуу талаптарын канааттандырарын күткөнүн айтты.

Коммуникация башкармалыгы тарабынан Х платформасында жарыяланган билдирүүгө караганда Эрдоган Азербайжандын Ханкенди шаарында Экономикалык Кызматташуу Уюмунун саммитинин негизинде өткөрүлгөн жолугушууда Түркиянын Азербайжан менен Армениянын ортосундагы кенен масштабдуу тынчтык сүйлөшүүлөрүн жакындан байкап жаткандыгын белгиледи.

Ереван менен Баку  2020 -  жылдагы экинчи Карабах согушунан кийин тынчтык келишими боюнча сүйлөшүүлөрдү баштады. Азербайжан 2023 -  жылы сентябрь айында Карабахта толук эгемендүүлүккө жетишти.

Эки лидер өзгөчө эки тараптуу карым  - катнаштар менен аймактык жана глобалдык маселелерди карап чыгышты. Эрдоган эки өлкөнүн ортосундагы тилектештиктин бир модел болгонун айтты.

Энергетика жана транспорт тармактарында эки тараптуу кызматташуунун кеңейтилишинин маанисин баса белгилеген Эрдоган  24 -  июнда Иран менен Израилдин ортосунда түзүлгөн ок атышпоодон ыраазы экендигин билдирди жана аймакта туруктуу тынчтыктын түзүлүшү баарынын пайдасына болорун кошумчалады.