Түркия Республикасынын президенти Эрдоган Түрк Мамлекеттер Уюмунун (ТМУ) бейрасмий саммитине катышуу үчүн барган Казакстандын Түркстан шаарында Өзбекстандын президенти Мирзиёев менен жолугушту.
Эрдоган конок болгон мейманканада жабык эшик артында өткөн жолугушууга тышкы иштер министри Хакан Фидан да катышты.
Коммуникация башкармалыгынан жолугушуу тууралуу билдирүү
Коммуникация башкармалыгы, президент Эрдогандын Казакстандын Түркстан шаарында Түрк Мамлекеттер Уюмунун бейрасмий саммитинин алкагында Өзбекстандын президенти Мирзиёев менен жолугушуусу тууралуу билдирүү жасады.
Билдирүүдө төмөнкүлөр жазылды:
"Жолугушууда лидерлер Түркия-Өзбекстан эки тараптуу мамилелерди, ошондой эле аймактык жана глобалдык маселелерди талкуулашты. Президент Эрдоган жолугушуу учурунда Түркия менен Өзбекстандын ортосундагы бардык тармактарда, айрыкча коргоо өнөр жайы жана соода жаатында кызматташууну өнүктүрүү үчүн иштей берерин айтты. Президентибиз эки өлкөнүн эл аралык платформаларда да тилектештигин арттырат деген ишенимин билдирип, Мирзиёевди Түркияда өтө турган Түрк Мамлекеттер Уюмунун саммитине жана COP31ге чакырды".
