Түрк бийликтери Түркия Республикасынын Президенти Режеп Таййип Эрдоган менен АКШнын Президенти Дональд Трамптын эки тараптуу карым - катнаштарды, аймактык жана глобалдык маселелерди талкуулоо үчүн телефон аркылуу сүйлөшкөнүн билдирди.
Коммуникация башкармалыгынанберилген маалыматка ылайык, эки лидер Түркия менен АКШнын ортосундагы карым - катнаштар, коргонуу өнөр жайындагы кызматташтык, аймактык жана дүйнөлүк абалдар, Газа жана Венесуэла сыяктуу аймактык жана глобалдык маселелерди талкуулашты.
Эрдоган буга чейин жасаган билдиүүсүндө сүйлөшүүдө Анкаранын Венесуэлага байланыштуу тынчсызданууларын билдиргенин айткан.
Министрлер кабинетинин жыйынынан кийин президент Эрдоган: "АКШнын президенти Трамп менен телефон аркылуу сүйлөшкөнүбүздө биз ага Түркиянын тынчсызданууларын билдирдик. Венесуэланы туруксуздукка алып барбоо керектигин баса белгиледик", - деп билдирди.
Эрдоган Түркиянын Венесуэла элине карата колдоону улантарын кошумчалады.
Эрдоган: «Түркия жана түрк эли бакубатчылык, тынчтык жана өнүгүү жолундагы изденүүлөрүндө дос Венесуэла элинин жанында болууну улантат», — деп билдирди.
Ак үй телефон сүйлөшүүсү тууралуу кенен маалымат берген жок.
